Binti wa Kibongo Boston Adai Kabakwa Ovyo Tanzania!

Wadau, leo asubuhi kazini niliulizwa kama ni kweli Tanzania haithamini haki za akina mama na kama wnaawake wanabakwa ovyo!  Kisa, ni story iiliyotoka kwenye TV jana jioni kuhusu binti MTanzania, Queen Butahe (19) anayeishi na familia ya kizungu huko Franklin, Massachusetts.

Kwa bahati nzuri jana jioni nilikuwa naangalia taarifa ya habari hapa Boston Fox 25. Wakasema, lazima usikie story ya binti ambaye kateswa na kuishi maisha ya ajabu Afrika.  Basi nikangojea story na kujiuliza ni nchi gani!  Nilidhani Congo. Ajabu, nchi ambayo inadaiwa kateswa kupindukia ni Tanzania!  Story ilivyopangwa utadhani Tanzania ni nchi ambayo mwanamke hana haki, hakuna sheria na wanawake wanabakwa ovyo! Mwisho wakasema kuwa Queen ana mradi wa kukusanya hela kwa ajili ya kujenga maktaba Tanzania! Yaani wadau, utadhani kuwa Tanzania haina maktaba hata moja.  Huyo binti ni yatima, familia yake wamekufa kwa UKIMWI. Natoa pole sana kwake. Lakini jamani, kuponda nchi hivyo!

Queen Butahe

Mnaweza kuona Kideo hapa:

   http://www.myfoxboston.com/story/18288735/overcoming-the-odds-and-giving-back

BOSTON - Maria Stephanos introduces you to Queen Butahe, a senior at Franklin High School, who is originally from Tanzania. Queen lost most of her family in Tanzania by the time she was six to HIV/AIDS. Only she and her brother had survived, and she doesn't know where he is to this day. For years she had been abused, and raped, and four years ago she had the chance to come to America with some relatives. She now lives the life of a normal American teenager, but doesn't forget the life she escaped in Tanzania. She is now raising money to help improve the education for young people in Tanzania, and help to build a library there. ( Ile story haisemi lakini sehemu anyaotaka kujenga ni Kwala, Tanzania.  Sijui ni mkoa gani lakini.)

*********************************

Wadau, nia yangu si kumponda huyo binti Queen.  Na ninapongeza kwa moyo wake wa kutaka kusaidia watoto waliobaki Tanzania.  Lakini kukashifu nchi nzima jamani!  Sehemu yoyote ukienda duniani kuna watu wabaya na wazuri.  Kwa kweli nilishikwa na hasira baada ya kusikia hiyo story, lakini nilisema huyo binti ni mdogo na huenda ni kweli kashindwa kumwambia mtu yaliyompata.   Anasema kuwa kabakwa na hausgeli, madereva wa mabasi, mjomba wake, mwalimu. Anasema kapata mimba ya mjomba wake akiwa darasa la saba lakini aliitoa.  Mwanzo nilidhani ni yatima ambaye alikuwa anaishi mitaani, lakini baada ya kwenda kwenye website yake nikagundua kuwa huyo binti alitoka kwenye familia waliojiweza. Alisomeshwa Olympio Primary na pia alikuwa anapanda School Bus. Ni ndugu yake ambaye alikuwa hapa Marekani ndiye aliyemnunulia tiketi ya kuja Marekani.  Wakati yupo hapa ndo kakutana nahiyo familia Franklin na kwenda kukaa nao.  Alikuwa na nafasi nzuri kuliko wengine. Na nadhani shangazi yake na hata huyo ndugu aliyemwezesha kutoka Tanzania kuja Marekani akisoma alivyoaandika watasikitika mno.  Anasema kuwa hata huyo ndugu yake wa Marekani! 

Na tusisahau kuwa Tanzania ina wanawake wengi wasomi, viongozi, na katika vyombo vya dola na sheria.  Hao anaodai walimbaka wangeweza kufungwa maisha!  Sheria zipo kulinda watoto dhidi ya ubakaji, kumbuka Mzee Maumba. Naona Queen hana habari kuwa gereza za Tanzania zimejaa watu waliopatikana na hatia ya kubaka watoto na kufanya maovu dhidi ya akina mama.

Ningependa kusika maoni yenu. Na pia wenye comments waambie Fox 25 kuwa nchi yetu Tanzani si jungle na tunathamini maisha ya watu wote!