Jamani Marekani watu maofisini wananishangaza sana. Kuna mtindo wa watu kusogoa na kupiga gumzo chooni. Tena kwa muda mrefu.
Yaani mtu anajisaidia, huko mwenzake yuko nje anamsemesha. Au unaingia chooni na kukuta watu wamepiga kambi kwenye masinki ya kunawia mikono na kupiga soga, huko watu wanajisadia kwenye stalls. Wanasikia mtu anakojoa, hao wanaongea bila kujali. Kwa kweli nashangaa sana. Labda mtu akiwa anajisaidia haja kubwa ndo wakimbie kwa ajili ya mishuzi.
Kwa kweli Restrooms/Bathrooms za Marekani maofisini ni safi sana, yaani unakuta toilet bowl cheupe kama vile bado kipya. Zinasafishwa mara kwa mara kwa siku. Nakumbuka Mbongo fulani aliwahi kusema vyoo vingine visafi mpaka unaweza kula huko, (mhhh sijui, mimi siwezi kula huko)! Usafi chooni ni muhimu sana hapa, na hao wanaosafisha wakizembea wanashutukia kazi hawana wanaletwa wengine. Lakini bado sijaona kama chooni ni sehemu ya kupiga gumzo.
Unaingia kwenye stall (kichumba chenye choo), mwenzako yuko nje kaona unaingia anaanza kupiga mastori. Aisei umesikia, hivi na hivi, je, unaonaje hivi na vile. Kwa kweli naona mkojo unataka kwa shida huko unajisaidia, huko unajaribu kuongea.
Lakini kuna kitu niligundua. Kisheria Marekani, mwajiri anarushisiwa kuweka recording devices kila mahala ofisini na Mfanyakazi asijue. Wanaweza kuwa na makamera na ma-audio device na usijue. Ila ni mwiko kuweka hizo devices chooni! Je, ni sababu ya watu kupiga gumzo chooni kwa vile wanajua hawawezi kunaswa kwa ajili ya kupoteza muda kazini.
Mnaonaje kuhusu suala hii?
Katika wanaume hasa maswala ya haja ndogo ni kawaida tu kuendeleza soga hasa kama ni sehemu safi au hata vichakani.Maana unajua kwa bongo abdo vichaka ni sehemu muhimu ya kwendea haja.Halafu mara nyingine ni rahisi tu kujikuta kuwa mmoja akianzisha kujisitiri haja ndogo mkajikuta wote manafuata na stori zinashuka. Ila kwenye vyoo vinavyo nuka kila moja anaharaka ya kutoka.Maswala ya haja kubwa hayo ni private.Nahisi unakumbuka watu wanavyotafutagia zakuondokea kwenyekundi.Utasikia mwingine kadai ,ngojea nikachimbe mzizi nk.Ila wanawake ndio kiboko kwakuitana kwenda chooni.Nawashuudia maofisini kwenye clubs nk.Lazima wasindikizane chooni:sijui siri yake.
ReplyDeleteNa pia kuna suala la kusoma magazeti na vitabu chooni. Vyoo unakuta vimejaa magazeti na vitabu kama vile maktaba.
ReplyDeleteKaka Ndesanjo, umenikumbusha! Kweli ukienda nyumbani kwa mzungu, kaweka magazine rack chooni! Au akiwa anenda kwenye haja kubwa anachukua gazeti utaona anatembea nalo kuelekea huko! Lakini pia nimegundua, kule chooni watu wanafanya networking!
ReplyDelete