(Chemi Che-Mponda (left) as the Police Station Receptionist in the Society Hill episode of Body of Proof)Wadau, kama mlitazama Body of Proof jana kwenye ABC taifa basi huenda mliona nikiigiza kama Receptionist (Mapokezi) kwenye kituo cha Polisi. Scene ilipita haraka, lakini nimeweka picha hapa. Stelingi wa Body of Proof ni Dana Delany (kashika blackberry) ambaye alikuwa kwenye show Desperate Housewives. Katika show ya jana iitwayo Society Hill, mhariri wa gazeti maarufu inayohusu maisha ya matajiri kauwawa. Polisi wanamshikilia mtu ambaye wanadhani kamwua, ila Dr. Hunt (Dana) anagundua aliyemwua ni mwingine.
Bado kuna episode ambayo nitakuwa mpelelezi (detective). Mimi nilikuwa mwigizaji 'extra/background' hivyo sina maneno. Natumaini kuwa wakitengeneza episode zingine watanipa maneno.
Body of Proof ilishutiwa katika studio huko Rhode Island mwaka jana. Studio ilikuwa ghala ambayo waligeuza studio huko Warwick. Yaani huwezi kuamini mambo waliofanya mle kusudi iwe studio halisi. Hata scene ambazo utadhani zilikuwa nje, zilipigwa ndani!
