Kutoka Lukwangule Blog:
Msanii wa Injili Bahati Bukuku (40) ni miongoni
mwa majeruhi watatu wa ajali ya gari iliyotokea iliyotokea leo katika barabara
ya Morogoro – Dodoma eneo la ranchi ya Narco Wilaya ya Kongwa .
Majeruhi wengine ni Edson Mwakabungu (31) ambaye
alikuwa dereva na Frank Christopher (20).
Kwa mujibu wa taarifa ya kamanda wa polisi wa mkoa
wa Dodoma David Misime ajali hiyo
ilitokea saa tisa alfajiri.
Alisema taarifa za wahusika zinasema kwamba gari
walilokuwa wakisafiria Bukuku, IT 7945 aina ya Toyota Nadia likiendeshwa na Edson
Mwakabungu mkazi wa Tabata Dar es salaam liliacha njia na kugonga gema baada ya
kugongwa na gari inayodaiwa kuwa ni Fuso.
Kamanda Misime amesema kwamba Bukuku analalamika
maumivu sehemu mbalimbali za mwili huku Frank akiwa na michubuko usoni na mkono
wa Kulia.
Aidha amesema kwamba watu wote hao wamelazwa
katika Hospitali ya Wilaya ya Kongwa kwa matibabu na hali zao zinaendelea
vizuri.
Kwa mujibu wa Kamanda Misime mwimbaji huyo
na wenzake walikuwa wanatokea Dar es Salaam ambapo dereva alikuwa anelekea DRC
– Kongo, huku Bahati Bukuku na Frank Christopher walikuwa wanakwenda Kahama
kwenye tamasha la injili.
Source: Sifa Lubasi, Dodoma
