Tahadhari kwa Waegeshao Magari Jijini Dar

Kutoka kwa Taji Liundi

TAHADHARI:

Inanisikitisha sana kuandika tahadhari hii kwenu rafiki zangu. Haistahili kuwa tahadhari. Lakini SASA HIVI katika mitaa mbalimbali jamaa zetu wa TANROADS wanapita kukamata na kupiga FINE magari yaliyoegeshwa "vibaya". Fine ni Tsh 220.000.

Hili ni tatizo kubwa sana na RUSHWA inafukuta kwenye zoezi hili. Mtanzania wa kawaida HAWEZI kulipa kiasi hicho kama ameegesha KANDO YA BARABARA zetu za kawaida, mfano pale Sinza Palestina.

Hao jamaa wanadai inabidi uwe umewasha TAA ZA TAHADHARI NA UWEKE TRIANGLE.
Sawa. Lakini si kawaida kabisa na zoazoa yao leo ni hatari. Wanatembea na Noah kubeba madereva/abiria waliokamatwa.

MAONI YANGU: Tusinyanyasane! Sio uungwana. Wananchi tunasota ile mbaya. Huko mitaani tunahangaika kujikwamua kiuchumi.

TANROADS kama Wakala wa Serikali inatakiwa ITOE MATANGAZO YA ELIMU KWA UMMA KABLA YA KUCHUKUA HATUA ZA KISUMBUFU NA KIHALIFU KWA KUCHOCHEA RUSHWA(wanakubali hadi Tsh 60/70elfu ukiongea nao).

Kwa kawaida, wangetakiwa wapite hata na PA watangaze: "Ndg wananchi katika eneo hili, mnaombwa kuegesha magari yenu kwa utaratibu huu kandokando ya barabara kuu. Hakikisha umewasha taa za dharura na weka Triangle mita...nyuma ya gari".

Hii ingeondoa usumbufu wa KUMWELEKEZA kila mkosaji.

Tumieni TBC!! RADIO Uhuru nk. Ombeni Matangazo ya kijamii kwenye Radio binafsi.
Kinachotokea ni shambulio la kihalifu kwa WaTanzania wasio na hatia. Kwa mara nyingine tena naandika kuhusu uendeshaji mambo KIHOLELA. Uholela huu unanyanyasa waTanzania.
Marafiki zangu humu mlio na wadhifa na uwezo wa kufwatilia hili..fanyeni hivyo. Mtagundua nazungumza UKWELI!!

Sijapendezwa!

Eneza TAHADHARI hii.

Hurricane Sandy Ilivyotupiga Cambridge, MA!

Wadau, jana Kimbunga Sandy kilipita kwetu. Upepo mkali sijawahi kuona. Hiyo kelele utadhani treni inapita.  Mtaa wa jirani, Howard St., Cambridge, MA walikipata!  Tuliruhusiwa kuondoka kazini mapema jana kwa vile  MBTA walikuwa wanasimamisha huduma ya basi na treni. Nilivyofika Howard St. nilikuwa mitawi ya mti imeanguka na kuponda magari kadhaa. Dirisha zao zilivunjwa.  Leo asubuhi nikapita tena na kukuta usiku mtu wote umeanguka! Yaani imevunjika kwenye kisiki. Bahati mbaya gari iliyokuwa upande wa pili wa barabara umepondwa kabisa! Duh! Lakini uzuri hakuna aliyeumia. Sasa sijui kama bima itamlipa jirani yangu hela ya kutosha kununua gari nyingine.

Tazama picha nilizopiga, Howard St., Cambridge, Massachusetts.

10/29/12 Howard St. Mitawi ya miti imeanguka na kuvunja vio vya magari

10/30/12  Upepo mkali ulivunja ule mti!

Maskini gari ya watu

Mti ulikatika kwenye kwenye kisiki!