Loh! Nimefuatilia habari za vurugu na mauji Kenya. Mambo yanayotokea huko ni ya aibu.
Hasa kwa vile ni nchi ya Afrika Mashariki inayojulikana duniani kama nchi enye amani na utulivu.
CNN wanasema kuwa waKikuyu wanauliwa na waJaLuo! Wanasema hadi leo zaidi ya watu 300 wamekufa. Hivi, Kenya hakuna FFU wa kutuliza hizo ghasia?
Kisa cha vurugu ni matokeo ya uchaguzi. Mzee Mwai Kibaki kashinda katika uchaguzi, lakini watu wanadai kuwa Mzee Raila Odinga, ndiye mshindi wa kweli. Wanasema kuwa kambi ya Kibaki imechezea kura zilizopigwa kusudi Kibaki aonekane kama mshindi.
Nilikuwa naongea na mKenya (MKikuyu) hivi majuzi kabla ya uchaguzi. Alisema kuwa Mzee Odinga hawezi kushinda maana ni MJaLuo, hajatairiwa na hivyo si mwanaume. DUH! Kwa hiyo mwanaume mwenye govi si mwanaume kamili. Mbona mwenye govi anaweza kumtia mtu mimba?
Nashukuru kuwa Bongo hatuna ukabila na chuki kiasi cha kuuana! Mungu Ibariki Kenya, na Afrika Mashariki!
