Wanafunzi wa Tosamaganga Wapigwa Mabomu ya Machozi - Mwandishi wa Habari Atiwa Mbaroni!

(Pichani wanafunzi wa shule ya sekondari chini ya ulinzi wa FFU kabla ya kupigwa mabomu ya machozi. Picha na Franci Godwin)
Wadau, kumradhi kwa kuchelewa kubandika habari hizi. Nilikuwa na matatizo ya kompyuta.

Habari kutoka Iringa zinasema kuwa Mwandishi wa Habari Francis Godwin ametiwa jela baada ya kuripoti kuhusu mgomo wa wanafunzi wa shule ya sekondari ya Tosamaganga na hatimaye kupigwa mabomu ya machozi ya FFU.

Nabandika habari alizoandika Kaka Francis. Kwa Picha na Habari zaidi BOFYA HAPA:
May 31, 2011

BREAKINGNEWS.....NIPO CHINI YA ULINZI WA POLISI YATOSA YAMENIPONZA

Mwandishi wa mtandao huu Bw Francis Godwin kwa sasa anashikiliwa na jeshi la Polisi baada ya kukamatwa katika shule ya sekondari Tosa maganga akifuatilia sakata la mgomo wa wanafunzi***************************************************
May 30, 2011

Hali ya usalama si shwari katika shule ya sekondari Tosamaganga wilaya ya Iringa mkoani Iringa hivi sasa wanafunzi zaidi ya 1000 wapo porini wakikimbizwa na polisi wa kikosi cha kutuliza ghasia ambao wanatumia mabomu ya machozi kuwatawanya wanafunzi hao ambao walikuwa katika maandamano ya amani kwenda ofisi ya mkuu wa mkoa wa Iringa kuulalamikia uongozi wa shule hiyo.

Hadi hivi saa mabomu zaidi ya 10 ya machozi yamepigwa kuwatawanya wanafunzi hao ambao baadhi yao wanadaiwa kujeruhiwa kwa kuchomwa na miti wakati wakikimbia porini kukwepa mabomu hayo huku wananchi wa Mseke wakikimbia nyumba zao.

Polisi wamewazuia waandishi wa habari akiwemo mmiliki wa mtandao huu wa www.francisgodwin.blogspot.com ambao waliokuwepo eneo hilo wakifuatilia tukio hilo kuendelea kuchukua habari hiyo .

Undani wa habari hii ya picha zaidi zitakujia hivi punde japo kwa sasa binafsi macho yanauma sana kutokana na moshi ya mabomu hayo kunikuta pamoja na mwanahabari mwenzangu wa Radio Ebony Fm japo

*****************************************************
May 30, 2011

Hari si shwari shule ya sekondari Tosamaganga Iringa wanafunzi wote zaidi ya 1000 wameandamana kwenda kwa mkuu wa mkoa Iringa kupinga madai mbali mbali sasa wanaingi barabara kuu upo uwezekona wa mabasi kuzuiwa FFU Watanda shuleni habari kamili na picha zinakuja!

**********************************************************

Mgomo UDSM

Wanafunzi wa UDSM wamegoma tena! Hivi wana soma saa ngapi? Kazi kujadili watagoma lini. Kwa kweli sifurahii migomo. Kwa wanaokumbuka Mwalimu alikuwa anawadhibiti vikali viongozi wa migomo. Wengine walikuwa wapelekwa na mbu sehemu fulani pale Oyster Bay na kuminywa gololi zao! Ubaya wengine ni watoto wa wakulima, wazazi wao wamejipiga wapate visenti ili watoto wao wawe na maisha bora kuliko wao.

Hatimaye, mtoto anafukuzwa chuo hata kazi ya maana hawwezi kupata maana kawa black sheep, yule mtoto wa mkubwa aliyeshiriki anapelekwa kusoma kwingine au nje ya nchi. Hebu mfikirie Kwanza jamani! Hakuna baraza la viongozi wa wanafunzi? Fanyeni Dialogue. Hakuna faida kwa wote Chuo kikifungwa. Nilishapambana na hiyo teargas na mafarasi wa FFU Dar si mchezo! Kuna hatari ya mtu kupoteza maisha yake.


Kuna mdau amaeleta habari hizi:

Kwa habari zilizonifikia hivi punde, wanafunzi wa UDSM wametawanywa kwa mabomu ya machozi maeneo ya mlimani city na ardhi university wakiandamana kwenda ikulu kupinga posho ya tsh 5000 na kudai tsh 10000.

Hivi mabovu ya machozi ndio njia kuu ya kuzuia maandamano?
Serikali haijui wajibu wake mpaka ikumbushwe kwa maandamano? Mbona wabunge wanajiongezea posho zao bila migomo?

Hapo awali serikali ilahidi kuwa kila baada ya miaka mitano posho itakuwa ikiongezwa kwa ajili ya kujikimu chuoni?

Sasa karibu kila chuo kinagoma, kila siku taarifa za habari lazima ziongelee kuhusu migomo elimu ya juu, JK halioni hilo? Kiongozi imara lazima angeshituka kuhusu hali hii inayoendelea nchini. Ya Tunisi na Misri yasifumbiwe macho, yalianza kama hivi tuonavyo hapa kwetu.

Nawasilisha!

******************************

Kwa habari zaidi na picha mtembelee Kaka Michuzi

http://issamichuzi.blogspot.com/2011/02/wanafunzi-chuo-kikuu-cha-dar-es-salaam.html#comments