Liyumba na Kweka Waachiwa Huru!

Haya sasa!

*********************************************************
Kutoka ippmedia.com

Liyumba aachiwa huru...!

Na Kiyao Hoza
27th May 2009B

Amatus LiyumbaAliyekuwa Mkurugenzi wa Utawala na Utumishi wa Benki Kuu ya Tanzania (BoT), Amatus Liyumba na mwenzake Deogratias Kweka ambaye alikuwa Meneja wa Mradi wa Majengo pacha ya BoT wameachiliwa huru leo asubuhi.

Vigogo hao wa zamani wa benki hiyo, wameachiwa huru katika mahakama ya Kisutu Jijini leo baada ya hati ya mashtaka kadhaa yaliyokuwa yakiwakabili kuhusiana na matumizi mabaya ya ofisi na kuisababishia Serikali hasara ya zaidi ya shilingi bilioni 221 kuonekana kuwa hayaendani na makosa yao.

Awali, kabla ya kufikia uamuzi huo, Hakimu Waliarwande Lema alisoma hukumu ya maombi yaliyowasilishwa na upande wa utetezi na kusema kuwa amefuta mashtaka ya wawili hao kwa sababu hati ya mashtaka haiendani na makosa yaliyotajwa.

Hakimu huyo akauamuru upande wa mashtaka kuandaa hati mpya ya mashtaka yatakayoendana na makosa yaliyotajwa katika hati.

Aidha, akauamuru upande wa mashtaka kuandaa upya hati ya mashtaka.

Wakati hukumu hiyo ikitolewa, uinzi katika mahakama hiyo ulikuwa mkali ambapo askari kanzu na wale waliovalia kiraia walionekana kutanda kila mahala.

Hata hivyo, baada ya kuachiwa huru, washtakiwa hao walikamatwa tena na kupelekwa katika vyumba vya mahabusu mahakamani hapo kabla ya kupandishwa kwenye karandinga aina ya Landrover Defender, lenye namba za usajili T 337 AKV.

Katika gari hilo, walipanda askari watano waliovalia kiraia, watatu kati yao wakiwa wamebeba bunduki.

Mapema asubuhi, katika viunga vya mahakama hiyo kulijaa watu wanaodhaniwa kuwa ni pamoja na ndugu za washtakiwa ambao hata hivyo, hawakudumu na furaha yao na kutawanyika baada ya ndugu zao (Liyumba na Kweka) kurejeshwa tena rumande.

Katika maombi hayo, upande wa utetezi ulidai kuwa sheria iliyotajwa katika shtaka la kuisababisishia serikali hasara ambayo iliwataka washtakiwa kutimiza majukumu yao kisheria ya kuchunguza uhalali wa malipo au majukumu ya kutoa ushauri wa kisheria kwa Menejimenti ya Bodi ya BOT kuhusu malipo.

Maombi hayo yaliwasilishwa na wakali Profesa Mgongo Fimbo mbele ya Hakimu Mkazi Hadija Msongo ambapo alisema shtaka la tatu linalodaiwa kusababisha hasara halionyeshi kosa lolote lililofanywa na washtakiwa.

Aliongeza kuwa shitaka hilo lina kasoro na halikuandikwa ipasavyo kwa mujibu wa vifungu namba 135 vya sheria ya Mwenendo wa Makosa ya Jinai ya mwaka 2002.

Liyumba pamoja an Meneja wa Mradi wa Ujenzi wa Majengo Pacha ya BoT, Deogratius Kweka, wanashtakiwa kwa makosa tofauti yakiwemo matumizi mabaya ya ofisi na kuisababishia hasara serikali ya Sh. 221,197,229,200.95 kati ya mwaka 2001 na 2006.

CHANZO: ALASIRI

Makubwa Benki Kuu!

(picha ya juu kutoka Michuzi Blog)

Bank of Tanzania Personnel and Administration director Amatus Joachim Liyumba (R) and the bank`s Projects Manager, Deogratius Dawson Kweka,at the Kisutu Resident Magistrate`s Court in Dar es Salaam yesterday.

Watu wawajibike sasa huko Bongo! Hii Kali!

********************************************

Kutoka ippmedia.com

BoT Yatikiswa

2009-01-28 11:00:08
Na Richard Makore

Aliyekuwa Mkurugenzi wa Utumishi na Utawala wa Benki Kuu ya Tanzania (BoT), Amatus Liyumba, jana alipandishwa kizimbani akiwa na mfanyakazi mwenzake wakituhumiwa kwa kosa la kutumia madaraka yao vibaya ya utumishi wa umma na kuisababishia serikali hasara ya Sh. 221,197,299,200.95 kupitia ujenzi wa maghorofa pacha ya benki hiyo.

Sambamba na Liyumba, mwingine aliyesomewa mashitaka hayo na Mwendesha Mashitaka kutoka Taasisi ya Kuzuia na Kupambana na Rushwa (Takukuru), John Lubangila, ni aliyekuwa Meneja wa Mradi wa ujenzi huo, Deogratius Kweka.

Watuhumiwa hao wawili walifikishwa katika Mahakama ya Hakimu Mkazi Kisutu jijini Dar es Salaam jana mchana wakiwa katika gari la Takukuru lenye namba za usajili T 319 ATD aina ya Toyota Land Cruiser la rangi ya kijani.

Aidha, kabla ya kusimamishwa kizimbani, watuhumiwa hao waliendelea kukaa ndani ya gari katika viwanja vya mahakama kwa takribani saa tatu, ndipo watolewa na kuingizwa mahakamani.

Baada ya kupanda kizimbani, ghafla watuhumiwa walianza kutokwa na jasho kali hali iliyowasababisha muda wote kujifuta kwa kutumia vitambaa vyao.

Aidha, waliingia kizimbani wakiwa wameshika chupa za maji na kutaka kwenda kusimama nazo wakati wanasomewa mashtaka, lakini askari polisi alitokea na kuyachukua.

Mbali na makosa ya kutumia madaraka yao vibaya na kuisababishia serikali hasara ya mabilioni ya fedha, pia walishitakiwa kwa kutoa maamuzi bila kushirikisha Bodi ya Wakurugenzi wa BoT pamoja na kukiuka sheria ya manunuzi ya serikali na sheria ya uendeshaji wa benki hiyo.

Mwendesha Mashtaka aliiambia mahakama kuwa walitenda makosa hayo kati ya mwaka 2001- 2006.

Watuhumiwa hao walisomewa mashtaka mbele ya Hakimu Mkazi, Khadija Msongo, wa mahakama hiyo.

Hakimu Msongo aliiambia mahakama kuwa dhamana ya watuhumiwa hao ipo wazi na itatakiwa kutolewa thamani ya nusu za fedha zinazodaiwa kupotea.

Nusu ya fedha hizo ni sawa na zaidi ya Sh. bilioni 110 ambapo zikigawanywa kwa watuhumiwa wawili, kila mmoja alitakiwa kutoa fedha Sh. bilioni 55 au mali isiyohamishika inayolingana na kiasi hicho cha fedha.

Mshtakiwa namba moja, Liyumba, alianza kuwasilisha nyaraka za mali mbalimbali ili aweze kupata dhamana, lakini upande wa mashtaka ulioomba mahakama kusitisha zoezi hilo.

Upande wa mashtaka ulidai kuwa unaomba hivyo ili upate muda wa kupitia nyaraka hizo ili kuona kama sio feki na zina thamani ya fedha zinazotakiwa.

Mahakama ilikubaliana na upande wa mashtaka na hivyo kusitisha dhamana hiyo na watuhumiwa kupelekwa rumande hadi Februari, 10 mwaka huu.

Majengo ya BoT yamekuwa ni gumzo kubwa nchini tangu wakati wa utawala wa awamu ya tatu, huku kukwa na taarifa kwamba ghama yake ni ghali kuliko ujenzi katika miji mikubwa ya mataifa ya magahribi. Hadi sasa inakisiwa kwamba ujenzi huo umekwisha kugharimu Sh bilioni 700.

SOURCE: Nipashe