Mimba na Siri ya Precious

Imeletwa na Mdau YM:

Mimba na Siri ya Precious

MIMBA
Mimba ilitungwa baada ya baba kutoa hongo kwa kimada

Ili kuthibitisha kama ni mimba kweli kimada akatoa rushwa kwa daktari ili apimwe harakaharaka kwa kuwa kulikuwa na msongamano wa wagonjwa

Kila alipoenda kliniki wakati wote wa Ujauzito alitoa 'chai' ili ahudumiwe vizuri na wauguzi na madaktari

Hata wakati wa kujifungua akatoa 'chai' kwa manesi apate huduma safi

BAADA YA KUJIFUNGUA
Baada ya kujifungua aliendelea kutoa hongo awe wa kwanza kuhudumiwa, mwanae awe wa kwanza kuchomwa sindano za Chanjo n.k.

Mwanae akaitwa 'Precious'

ELIMU KWA PRECIOUS
Kuandikishwa chekechekea akatoa hongo ili Precious apate nafasi katika shule nzuri kwa kuwa nafasi zilikuwa chache, Precious anaangalia

Kuandikishwa shule ya msingi mchezo uleule, Precious anaangalia

Tena sekondari akatoa 'Chai' kwa mwalimu wa Hisabati ili Precious apate alama nzuri

Chuo kikuu Precious hali ikawa ngumu, akagawa uroda kwa mkufunzi ili apate alama nzuri

KAZI
Precious akagawa uroda ili apate kazi, akapata

Precious akatishiwa mara kwa mara kufukuzwa kazi kutokana na utendaji mbovu kinga ikawa ni kugawa uroda

Akatumia nafasi yake kwa manufaa yake binafsi

Kwa tamaa ya vitu vya thamani kuliko mshahara wake akaendelea kupokea rushwa

NDOA
Kwa kuwa wazazi wake (baba yake) hakuwa mwaminifu katika ndoa yake (Precious ni mtoto wa kimada), naye Precious hakuona sababu ya kuwa mwaminifu ktk ndoa

Watoto wake wote walifuata mlolongo kama wa kuzaliwa kwake

KIFO

Hata alipougua ghafla , hongo ikatumika apate huduma bora lakini Mungu alimpenda zaidi

Walipoenda kuchonga jeneza, wakakuta kuna order nyingi ikabidi watoe 'Cha Juu' ili kuchukua jeneza lilokuwepo tayari

Wakati wa mazishi Kwaya iliyotakiwa kuimba wakati wa Maombolezo ilikuwa na safari , ikapewa 'cha juu' ili kuahirisha safari

MWISHO

Kwaya ikaimba na Kumsifia Precious alivyokuwa 'mtumishi mwema wa Mungu', tena wakamwomba Mungu ampokee kwa mikono miwili , amuepushe na Moto wa milele.

Risala ikasomwa, na kusifia utumishi wake uliotukuka, tena kaacha pengo lisilozibika.


TAKE HOME MESSAGE
Wazazi 'huwapakaza' watoto wao matope ya dhambi toka pale mimba inapotungwa hata baada ya kuzaliwa

Watoto wote huakisi tabia walizojifunza toka kwetu, kama wazazi (Observational Learning)

Kama hatuwezi kuwa wawazi hasa pale kaburini hata kwa mtu aliyekufa na sifa mbaya akasifiwa basi tunahalalisha matendo mabaya aliyoyafanya marehemu.

Ili Kupambana na Rushwa twahitaji kuanzia wakati wa Ujauzito, mtoto azaliwe bila rushwa, akue bila rushwa n.k

KWA LEO NI HAYO TU!!!

Isaidie Sinema ya Weusi - Picture Me Blue No More

Lazima niwasifu hao weusi wa Atlanta. Wanataka kutengeneza sinema ambayo naona itakuwa nzuri kuliko Precious.

Wanafanya kampeni wenyewe ili kupata pesa za kuitengeneza. Ukitaka kuchangia unaweza. Mchango unaanza kwa dola $5 tu!

Niliwasiliana nao, nikawaambia kwa nini wasimwombe Oprah awasaidie. Walisema wamemtumia ujumbe mara nyingi lakini hawapati majibu. Hata ile sinema ya Precious ilikuwa hivyo hivyo ila ilipopata huko Sundance Film Festival maarufu Oprah na Tyler Perry walikuwa mstari wa mbele kuisukuma.

Mwaka huu kulikuwa hakuna sinema ya weusi wala waigizaji weusi waliyofanikiwa kuingia katika mashindano ya Oscars. Perla Fay Humphrey na kampuni yake OnyxPearl wakifanikiwa kutengeza hii sinema huenda mwaka 2013 ndo itakuwa sinema ya weusi inayoongoza.

Natumaini watafanikiwa na lazima niseme ni mara chache kuona waMarekani weusi wenye moyo wa kufanikiwa kutengeneza sinema ya hali ya juu kama hii. Mungu yu mwema watafanikiwa.

Nilisikia habari za mpango wa kutengeza hii sinema mwaka jana Agosti walipokuwa na Casting Call kutafuta waigizaji. Ubaya ilikuwa Atlanta na Los Angeles hivyo nilishindwa kwenda. Kuna kikundi ha waigizaji weusi kutoka hapa Boston ambao walisoma vipande vya script na wali-blow kwa ilivyo nzuri.

Sinema Picture Me Blue No More itahusu maisha ya mtoto wa kike maskini huko Georgia ambaye anafanikiwa kwenda Chuo Kikuu na kuwa na maisha bora ingawa aliishi katika dhiki, uonevu, kubakwa nk.

Mnaweza kupata habari za kampeni yao HAPA:

http://www.onyxpearl.com/picturemebluenomore/