Kipanya anasema....

Nani atakuwa Waziri Mkuu sasa?

Mara Mh. Lowassa alipotangaza kujiuzulu kwake, wananchi walianza kuulizana na kutabiri nai atakuwa Waziri Mkuu mpya.

Je, ingefaa arudishwe mtu mwenye uzoefu na hiyo kazi nzito. Wapo Mzee Malecela , Mzee Sumaye na Mzee Warioba. Je, Mzee Salim Ahmed Salim?

Je, Rais Kikwete atamchagua mtu mgeni kabisa? Je atamchagua mwanamke?

Kuna maswali mengi na kuna watu ambao watashikwa na homa wakiwaza mrithi wa Lowassa.

Nacho weza kusema ni kuwa wananchi na TZ Diaspora watamweka chini ya darubini (microscope).

Mungu ambariki na kumpa nguvu atakayeteuliwa kuwa Waziri Mkuu mpya.

Mungu Ibariki Tanzania na Watu Wake.

****************************************************************************
Kutoka ippmedia.com

Wananchi wanong`ona wanaofaa kumrithi Lowassa '

2008-02-08

Na Mwandishi Wetu

Kufuatia Waziri Mkuu Bw. Edward Lowassa, kutangaza kujiuzulu, wananchi wamekuwa na shauku kubwa ya kujua nani atakayemrithi endapo Rais Kikwete atamkubalia. Hata hivyo, kumekuwa na majina ya mawaziri kadhaa wa kuchaguliwa yaliyokuwa yakizungumzwa zungumzwa kwamba wanafaa kumrithi Bw. Lowassa.

Miongoni mwa majina hayo ni pamoja na la Waziri wa Mambo ya Nchi za Nje na Ushirikiano wa Kimataifa Bw. Bernard Membe, Waziri wa Ardhi, Nyumba na Maendeleo ya Makazi Bw. John Magufuli na Waziri wa TAMISEMI Bw. Mizengo Pinda.

Mwingine aliyetajwa ni mbunge wa Sumbawanga, Bw. Paul Kimiti.

Aidha wananchi wengi walizungumzia kuwepo haja ya kuteuliwa Waziri Mkuu mwanamke. Wanawake waliotajwa ni pamoja na Naibu Katibu Mkuu wa Umoja wa Mataifa, Dk. Asha-Rose Migiro, Getrude Mongela na Anne Kilango Malecela.

SOURCE: Nipashe

Kumbe Lowassa hakupendwa! Nasikia watu walifanya parties za kusherekea kuondoka kwake. Tutajua huko mbele mambo yatakavyokuwa, lakini wazungu wanasema, "Be Careful What you Wish For".

Tuone kama pesa zilizopotea/kuibiwa zitapatikana na kurudishwa serikalini. Je, Serikali wata-sue hiyo kampuni ya Richmond Printerrs?

*************************************************************************
Kutoka Ippmedia.com

Dar yazizima kwa furaha Lowassa kujiuzulu

2008-02-08

Na Waandishi Wetu

Jiji la Dar es Salaam, jana lilizizima kwa mayowe na vifijo vya furaha huku madereva hasa wa teksi, wakipiga honi baada ya kusikia Waziri Mkuu, Bw. Edward Lowassa, ametangaza kujiuzulu wadhifa wake.

Miongoni mwa maeneo yaliyozizima kwa furaha ni ya benki ambako televisheni zilifunguliwa huku kipindi cha Bunge kikiwa kinaendelea wakati wa asubuhi. Maeneo mengine ni ya vituo vya mabasi ambako kuna migahawa iliyo na televisheni, watu walijazana kuangalia wabunge wanavyochangia sakata la Richmond huku hamu ya wengi ikiwa ni kusikia kauli zinazotolewa na wabunge baada ya Kamati Teule ya Bunge, kumtangaza Waziri Mkuu kuwa miongoni mwa watuhumiwa wakubwa wa mkataba bomu wa Richmond.

Wananchi wengi walijazana kwenye magari yenye redio kusikiliza kauli hiyo ya Waziri Mkuu. Katika Benki ya CRDB makao makuu, wafanyakazi wa benki hiyo pamoja na wateja waliokuwemo ndani kupata huduma, walilipuka kwa shangwe baada ya kumsikia Bw. Lowassa akitangaza azma yake ya kuachia ngazi.

Ilibidi hata huduma za benki hiyo zisimame kwa takriban dakika tatu kutokana na wafanyakazi wake kuziacha kompyuta na kuanza kuruka ruka wakionyesha hisia zao kutokana na uamuzi huo mzito wa Bw. Lowassa.

Kelele hizo ziliwashtua hata watu wengine ambao hawakuwa wakifuatilia mjadala huo wakidhani kuwa kuna jambo lisilo la kawaida limetokea. Hali kadhalika, wanafunzi wa Chuo cha Usimamizi wa Fedha (IFM), nao walisitisha masomo na kuanza kupiga kelele za furaha baada ya kusikia Bw. Lowassa ametangaza kumwandikia barua ya kujiuzulu Rais Jakaya Kikwete.

Vile vile, wanafunzi wa Chuo Kikuu cha Dar es Salaaam, walikuwa wamekusanyika makundi kwa makundi wakijadili kwa furaha, tangazo la Bw. Lowassa la kumwandikia barua ya kujiuzulu Rais Kikwete. Katika kujadili kwao, wanafunzi hao walitaka vigogo wengine waliotajwa kuhusika katika kashfa hiyo, kujiuzulu pia na sheria ichukue mkondo wake.

Katika eneo la Feri, nako hali ilikuwa hivyo hivyo kwani wachuuzi wa samaki walikusanyika huku wakishangilia kwa mbwembwe. Bw. Omar Abdallah aliishauri serikali kuwa, kujiuzulu kwa Waziri Mkuu isiwe ni danganya toto, kwani haitoshi, lazima sheria ichukue mkondo wake ikiwa ni pamoja na kutaifisha mali zake.

``Serikali iwawajibishe mawaziri wote waliohusika na ufisadi huu. Ameanza Lowassa anayefuatia awe Karamagi ili wananchi waendelee kuwa na imani na serikali yao,`` alisema Bw. Said Hussein. Naye

Bw. Athuman Bakari alisema kujiuzulu siyo sababu ya kukwepa kujibu tuhuma zinazomkabili. ``Aisee, unaweza kudhani ni Simba kamfunga Yanga au Yanga kamfunga Simba. Hii ni dalili kuwa wananchi wamechukizwa na ufisadi uliofanywa na kampuni hiyo ya Richmond kwani matokeo yake ni maumivu kwa wananchi kupandishiwa bei ya umeme.

``Tunashindwa hata kutumia vifaa vyetu kama majiko ya umeme kutokana na bei ya umeme kuwa kubwa,`` alisema Bw. Bakar Awadhi. Aidha kwenye daladala gumzo kubwa lilikuwa ni kauli ya Waziri Mkuu kuchukuwa uamuzi huo. Wengi walionekana kufurahia uamuzi huo, ingawa baadhi walimpongeza kwa maamuzi yake, ambayo ni nadra sana kufikiwa na viongozi wakubwa hasa wa Kiafrika.

SOURCE: Nipashe

Hotuba ya Mwisho ya Mh. Lowassa Bungeni

Kutoka Michuzi Blog:

IFUATAYO ni hotuba fupi aliyoitoa Waziri Mkuu Edward Lowassa katika Bunge mjini Dodoma leo (Alhamisi Feb. 7, 2008) asubuhi, wakati wa mjadala wa Taarifa ya Kamati Teule ya Bunge iliyochunguza Mchakato wa Zabuni ya Kuzalisha Umeme wa Dharura Ulioipa Ushindi "Richmond Development Company LLC" ya Huston, Texas, Marekani mwaka 2006:

"Mheshimiwa Spika, kwanza napenda kuchukua nafasi hii kukushukuru sana kwa kunifanya msemaji wa kwanza katika hoja hii.

Lakini la pili, nimpongeze Dk. Harrison Mkwakyembe, Mwenyekiti wa kamati Teule kwa kuwasilisha kwa mbwembwe nyingi sana taarifa yake, mbwembwe zilikuwa nzuri kweli.

Kwa kazi nzuri kwa maoni yao, wamewasilisha vizuri. Lakini nimesimama kuweka kwenye kumbukumbu kutoridhika kwangu na jinsi kazi hiyo ilivyofanywa. Mheshimiwa Dk. Mwakyembe ni Mwanasheria, tena Daktari alikuwa anafundisha Chuo Kikuu. Moja ya vitu alivyokuwa anafundisha ni "Natural Justice".

Mheshimiwa Spika, wewe ni Mwanasheria unafahamu suala la Natural Justice. Kwamba Kamati Teule imesikiliza watu wengine wote pamoja na wanaoita minong'ono ya mitaani, wamesafiri mpaka Marekani kutafuta mashahidi, lakini mimi ambaye ni mmoja kati ya watuhumiwa mle hawakunihoji hata siku moja.
Mheshimiwa Spika, nimesimama kueleza masikitiko yangu. Ofisi ya Bunge mpaka ofisini kwangu hata kama wangeniita ningekwenda kwa miguu kama hamna gari na nilikuwa tayari kufanya hivyo.

Hawa ni watu makini sana siwezi kuamini kwamba wanaweza wakafanya oversite kama hiyo. Kwa sababu katika kila hoja walizojenga wamesema Waziri Mkuu ilikuwa hivi. Kulikuwa na shida gani kuja kuniuliza Waziri Mkuu wanasema uliotoa dokezo hili ni sawa sawa kweli? Kulikuwa na shida gani kwa mfano kufuata utaratibu wa Westminster kuthibitisha hapo unaposema mwenye Richmond ni fulani uka-lay on the table records na ushahidi kuwa ni fulani.

Mheshimiwa Spika, Taifa letu ni Taifa changa, lakini chombo hiki ndiyo mahali pa demokrasia pakubwa katika nchi pote, hapa ndipo penyewe. Kama katika chombo hiki haki haitaonekana kutendeka nchi yetu haitakwenda vizuri. Hapa ndipo tunategemea tuwaonyeshe umakini wetu, umahiri wetu katika mambo ya demokrasia. Kwa nhiyo nilichofanyiwa napenda kuweka kumbukumbu sawa kwamba naona si sahihi, nimefadhaika sana, nimedhalilishwa sana, nimeonewa sana katika hili.

Maana zimechukuliwa tuhuma zikaelezwa hapa kwamba hivi ndivyo ilivyo. Mimi sijauliza. Kulikuwa na shida gani kuniuliza, kwa nini muamini minong'ono ya mitaani kuliko maelezo yangu. Sisi wote hapa ni wanasiasa tukianza kuamini minong'ono ya mitaani niambieni mwanasiasa atakayesimama. Hatuwezi, Tume imepewa muda wa kutosha lakini inashindwa kumuona mtu ambaye wanamtuhumu na wanamsema kwa kirefu sana.

Mheshimiwa Spika, lakini hata pale uliponinong'oneza ukaniambia una ushahidi wowote? Nilikupa ushahidi huo wa maandishi. Katika taarifa yao hakuna hata moja ya ushahidi ambao umetoka Waziri Mkuu. Kile kitabu cha majedwali kimejaa majedwali mengi pamoja na magazeti mpaka ya Udaku lakini maelezo ya Waziri Mkuu hakuna hata moja.

Mheshimiwa Spika, naamini ingekuwa ni heshima wangeiweka halafu wakasema tunakataa kitambulisho hiki kwa sababu hii na hii, hiyo ndiyo imejengwa hoja. Lakini kujenga hoja na kuja hapa Bungeni tunahutubia nchi nzima na kusema Waziri Mkuu amefanya hiki, amefanya hiki bila ya kumsikiliza nachelea kuuliza hivi mtu wa chini itakuwaje?

Mheshimiwa Spika, lakini nimetafakari kwa makini sana jambo hili nikajiuliza hivi kulikoni mpaka watu wazima wenye uwezo wao, watu maarufu wenye heshima zao, mpaka wafike mahali waache jambo la msingi kama hilo kulikoni? Mimi nadhani there is a wish which I am going to grant, ni Uwaziri Mkuu. Nadhani tatizo ni Uwaziri Mkuu. Kwamba ionekane Waziri Mkuu ndio amefanya haya, tumuondolee heshima au tumwajibishe.

Mheshimiwa Spika, nimetafakari kwa niaba ya chama changu, kwa niaba ya Serikali yangu nimeamua kumwandikia Rais barua ya kumwomba niachie ngazi. Nafanya hivyo kwa moyo mweupe kabisa ili kuonyesha dhana ya uwajibikaji lakini kutokubaliana na utaratibu uliotumika kusema uongo ndani ya Bunge wa kumsingizia mtu.

Mheshimiwa Spika, nitumie nafasi hii kumshukuru sana Rais kwa heshima aliyonipa ya kutumikia nchi hii kwa Uwaziri Mkuu kwa miaka miwili.

Namshukuru sana Mheshimiwa Rais.

Nakushukuru wewe, nawashukuru Mawaziri na Manaibu Waziri, nawshukuru Waheshimiwa Wabunge na wanachama wa CCM tuliyosimamia Ilani ya Uchaguzi ya Chama cha Mapinduzi.

Mheshimiwa Spika, baada ya kusema hayo nashukuru".

Hotuba ya Rais Jakaya Kikwete - Februari 7, 2008 -SAMAHANI

Wapendwa wadau, naomba mnisamehe hapo.

Ilikuwa usiku na siku verify kama Mh. Rais alisoma speech kweli. Nimegundua ni usanii unaozunguka kwenye internet.

Baraza la Mawaziri Lavunjwa!!!!

Rais Jakaya Kikwete, kaonyesha waTanzania kuwa hana mchezo. Amevunja Baraza la Mawaziri!

Pia amekubali ombi la kujiuzulu uwaziri mkuu, Mheshimiwa Edward Lowassa.

Kuona Baraza la Mawaziri lilliyovunjwa bofya HAPA:

Cheche zimetembea Bungeni tangu ripoti ya Mheshimiwa Dr. Harrison Mwakyembe kusomwa Bungeni jana. Ripoti ilihusu sakata la umeme na kampuni tapeli la Richmond.

Kusoma Ripoti hiyo bofya HAPA:

Mwalimu Nyerere aliwahi kuvunja Baraza lake la Mawaziri.

Kampuni ya Richmond - Utapeli Mtupu!

Jamani, lazima niwakumbushe kuwa tangu hiyo deal ya Richmond itangazwe, wanablogu hasa kwa Michuzi walikuwa wanasema kuwa hiyo kampuni ni feki. Kuna wanablogu waliofanya uchunguzi wao kabisa. Lakini dili iliendelea! Wanablogu walichambua mpaka bei ya vifaa. Serikali ingewasikiliza tusingekuwa hapa leo tunaongelea hii habari ya kusikitisha.

Leo mambo ndo yameharibika kwa wahusika. Sijui kwa kimombo tuseme mambo yame 'explode' ame 'implode.'

Habari za Lowassa na Richmond imekuwa habari za kimataifa.

***************************************************************************

Kutoka http://abdallahmrisho.blogspot.com/

HAKUNA hapa nchini wala Marekani, kampuni iliyosajiliwa kwa jina la Richmond Development Company LLC. Bunge lilielezwa jana.

Mwenyekiti wa kamati Teule ya Bunge ya kuchunguza mchakato wa zabuni ya uzalishaji umeme wa dharura ulioipa ushindi kampuni hiyo, Dk, Harrison Mwakyembe alibainisha hayo bungeni mjini Dodoma jana.

Akiwasilisha muhtasari wa taarifa ya kamati hiyo, Dk. Mwakyembe alisema uchunguzi umeonyesha hakuna kampuni yenye jina hilo iliyosajiliwa katika jimbo la Texas nchini Marekani wakati wa kusaini mkataba huo.

“Kamati teule imejiridhisha kuwa hakuna kampuni yenye jina la Richmond Development Company LLC iliyokuwa imesajiliwa JImbo la Texas wakati wa kusaini mkataba huo hadi tunapowasilisha ripoti hii…” alisema.

Alisema hitimisho lilifikiwa na kamati hiyo, linashabihiana kwa vigezo na ushauri wa kitaalamu uliotolewa na kampuni mashuhuri ya mawakili wa Virginia, Marekani inayoitwa Hunton & Williams LLP kwa Bodi ya Wakurugenzi ya TANESCO, Oktoba mwaka juzi “katika ripoti yake yenye kurasa 10, kampuni hiyo ya mawakili imetamka bayana kuwa hakuna kampuni yenye jina la Richmond Development.

Company LLC kwenye masijala ya katibu wa Jimbo la Texas ambaye moja ya majukumu yake ni sawa na ya Msajili wa kampuni Tanzania.

Dk. Mwakyembe alisema, Humton & Williams LLP wameituhumu Richmond Development Company LLC kwa upotoshaji wa hadhi yake kikampuni na kutoa tamko lisilo sahihi kuhusu hadhi yake chini ya sheria za Texas.

Alisema ukaguzi wa kumbukumbu za katibu wa jimbo la Texas uliofanywa na kampuni hiyo Oktoba 2006 ulionyesha hakuna kampuni yenye jina la Richmond Development Company LLC iliyokuwa imeanzishwa na kuendesha shughuli zake jimboni humo.

Dk. Mwakyembe alisema wajumbe wa kamati hiyo, waliokwenda Marekani Desemba 10 hadi 16 mwaka jana, waliambiwa na Mohamed Gire, kuwa Richmond Development Company LLC ni jina mbadala la biashara la kampuni yake iitwayo RDEVCO LLC.

“Bwana Gire ambaye aliamua mkutano wake na wajumbe wa kamati Teule ufanyike ofisini kwa wanasheria wake, Duane Morris LLP waliopo 3200 Southwest Freeway, suite 3150, jijini Houston, alisisitiza kuwa sheria na Texas zinawaruhusu wafanyabiashara na kampuni kutumia majina mbadala au tofauti na yale yaliyopo kisheria kwa sababu za kibiashara alisema Dk. Mwakyembe.

Alisema kamati yake iliyazingatia maelezo ya Gire kwa ajili ya kuyafanyia kazi, kwa sababu kuna, majimbo mengi Marekani, likiwemo la Texas yanaruhusu matumizi ya majina mbadala katika biashara au huduma.

Lakini, Dk. Mwakyembe alisema, sheria zinaweka taratibu za kuzingatia ili kuepusha vitendo vya kitapeli katika matumizi ya majina mbadala ya kibiashara.

“Katika jimbo la Texas ambako Gire anaishi ni kosa la jinai kutumia jina mbadala bila kulisajili. Usajili wa jina mbadala unadumu kwa miaka mitano ambapo mtumiaji lazima asajili jina hilo upya kati ya januari mosi na Desemba 31 ya mwaka wa tano,” alifafanua Dk. Mwakyembe ambaye pia ni mbunge wa Kyela.

Alisema, Gire aliwakabidhi wajumbe wa Kamati hiyo hati ya uthibitisho ya Harris County, Texas ambayo kwa maoni yake, ilikuwa inathibitisha kuwa Richmond Devilopment Company LLC ni jina mbadala la biashara.

“Kamati Teule imeikagua hati hiyo kwa kina na kuona kuwa badala ya kumsaidia Gire, inazidi kuthibitisha kuwa si mfanyabiashara mwadilifu ila tapeli kwa sababu kuu mbili:
Mosi, mbali na kwamba hati hiyo ya Gire ni kivuli tu au nakala ya “hati” halisi (kama ipo), nakala ambayo haina uthibitisho wowote wa uhalali na uhalisia wake, ilikuwa ina saini ya ofisa mmoja mbadala ya wawili walioainishwa katika hati hiyo pili, badala ya hati hiyo kutamka kuwa RDEVOCO LLC imesajili jina la Richmond Development Company LLC kama Gire alivyotaka Kamati Teule ielewe, hadithi mpya kabisa inaanzishwa kuwa Richmond Development Company ni jina mbadala lililosajiliwa na Richmond Development Company LLC!

La kushangaza ni kuwa katika baadhi ya barua zake alizoiandikia TANESCO na wizara ya Nishati na Madini, Gire anatamka kuwa Richmond Development Company ni jina mbadala la biashara la RDEVCO LLC.
“Mtu anaweza akadanganyika akifikiri kuwa kiwango hiki cha ubabaishaji hakithibitishi utapeli pekee, bali vilevile elimu duni ya mmiliki wa kampuni hizo, Gire, inayomfanya asione hatari kubwa anayojitwalia ya hata kumfikisha jela kwa udanganyifu,” alisema Mwakyembe, Kwa mfanyabisahara mzoefu aliyejizungushia mawakili wa kumtetea mambo yakimwendea mrama, anajua analolifanya, hivyo Richmond Development Company LLC ni kampuni ya kimakusudi ya kimkakati ambayo haikamatiki, haishitakiki, haipigiki faini na haiadhibiki kwa lolote lile itakalolifanya kwani haina uhai wa kikampuni,” alisema.

Dk. Mwakyembe alisema, Richmond Development Company LLC, kwa maneno mengine, si kampuni ya mchana bali ya usiku, kampuni ya mfukoni ambayo shirika la umma TANESCO liliingia nalo mkataba wa mabilioni ya fedha ya walipa kodi wa Tanzania.

Lowassa Ajiuzulu Uwaziri Mkuu!!!!

DAH! Yaani wadau kwa kweli mnisamehe, maana hii habari ya Mhesimiwa Lowassa nimesikia saa hizi, 9:56Am (EST). Nilikuwa busy na mambo ya audition ya sinema fulani.

Kwa kweli nimeshutuka sana na nimesikitika mno hasa chanzo cha kujizulu kwake. Ila nimefurahi kuona kuwa Tanzania kuna haki ya kusema siku hizi, FREEDOM OF SPEECH. Na safari hii uchunguzi ulifanyika na haikutiwa maji!

Dr. Harrison Mwakyembe, NAKUSIFU! Bado unaujasiri wa enzi zile! Ila uko salama kweli sasa?

KUSOMA RIPOTI YA DR. MWAKYEMBE BOFYA HAPA:

Haya tuone nani atateuliwa kuwa Waziri Mkuu sasa. Any suggestions/predictions?

*******************************************************************************

Kutoka Michuzi Blog....

HABARI TOKA DODOMA SASA HIVI ZINASEMA KUWA SPIKA WA BUNGE MH. SAMWEL SITTA AMETANGAZA KWAMBA MHESHIMIWA EDWARD LOWASSA AMEAMUA KUJIUZULU UWAZIRI MKUU.

MH. SPIKA BAADA YA KUTANGAZA HILO AMESEMA MJADALA WA RIPOTI YA RICHMOND, NA SIO MJADALA WA LOWASSA, NDIO UENDELEE. NA NDICHO KINACHOFANYIKA HIVI SASA HUKO BUNGENI.

HABARI ZAIDI ZINASEMA KWAMBA MH. LOWASSA AMESEMA KWAMBA INGAWA HAJAMTAARIFU JK UAMUZI WAKE HUO, AMEAMUA KUJIWEKA KANDO!

*************************************************************

KARAMAGI NAYE AOMBA KUJIZULU!

KARAMAGI NAYE AOMBA KUACHIA NGAZI

MH. NAZIR KARAMAGI AMEMALIZA KUJIELEZA NA AMELIAMBIA BUNGE KWAMBA NA YEYE LEO ASUBUHI AMEPELEKA BARUA KWA JK KUOMBA KUJIUZURU WADHIFA WAKE WA UWAZIRI WA NISHATI NA MADINI.

YEYE PIA AMEJITETEA KWAMBA HANA HATIA KATIKA SAKATA HILI!

******************************************************************

MSABAHA NAYE AJIUZULU!

MSABAHA NAYE AMWAGA MANYANGA

WAZIRI WA AFRIKA MASHARIKI AMBAYE AWALI ALIKUWA WAZIRI WA NISHATI NA MADINI DK MSABAHA NAYE KAMPELEKEA BARUA JK KUOMBA KUJIUZURU KWA MUJIBU WA MAELEZO YAKE ALIYOTOA DAKIKA HII BUNGENI

WHAT A SAD DAY IN TANZANIA POLITICS!