Kaka michuzi Aishukuru Hospitali ya KiLutheri ya Haydom

 Wadau, hivi karibuni mtoto wa Kaka Michuzi, ally aliugua vibaya malaria.  Hospitalia y a Kilutheri ya Haydom waliokoa maisha yake. Kaka Michuzi anatoa shukurani kwa Hospitali hiyo na wafanyakazi wake:

***********************************************

ANKAL AISHUKURU HOSPITALI YA KILUTHERI YA HAYDOM KWA KUMHUDUMIA VYEMA MWANAE

Nachukua nafasi hii kutoa shukurani zangu za dhati kutoka katika kilindi cha moyo wangu kwa Hospitali  ya Kilutheri ya Hydom iliyoko mkoani Manyara kwa matibabu waliyompatia mwanangu Ally Hassan (16) aliyelazwa hospitalini hapo tokea siku ya Alhamisi Juni 13, 2013 akiwa hajitambui  (in a coma) kwa muda wa siku nne mfululizo baada kuugua malaria.

Shukurani maalum ziwaendee madaktari na wauguzi wote wa wodi ya wagonjwa mahututi (ICU) ambao kwa siku hizo nne tulikesha nao kumuuguza Ally ambaye aliletwa hapo toka Katesh alikoenda kumtembelea mama yake wakati huu wa likizo akiwa hana fahamu. Kwa upendo, weledi na utaalamu wenu hatimaye mlifaniklwa kupambana na malaria hiyo kwa ukamilifu. Hivi sasa Ally hajambo na anaendelea kupata nafuu kila dakika.

Mama mzazi, Baba mlezi, mjomba, shangazi, mamdogo na mamkubwa mliojitoa kumsaidia Ally nawashukuru sana sana kwa upendo wenu.

 Madaktari na wauguzi wa Hospitali ya Kilutheri ya Haydom sina cha kuwalipa zaidi ya kutoa ahsante kwa wote mliomshughulikia Ally pamoja na wagonjwa wengine waliolazwa hapo (nilishuhudia kwa macho yangu jinsi mlivyokuwa mkiwashughulikia wagonjwa wote kwa upendo na weledi kila dakika walipohitaji uangalizi) na kupata nafuu.

Kwa niaba ya wagonjwa wengine waliopata huduma na kupata nafuu, natoa pia ahsante kwa kazi njema, ya weledi na upendo mnaoonesha kwa kila mgonjwa anayefika kutibiwa hapo Hydom. Ninyi ni mfano wa kuigwa katika mahospitali yetu yote hapa nchini.

 NAOMBA MOLA AWALIPE KWA  KUWAZIDISHIA.PALE MLIPOPUNGUKIWA. MBARIKWE SANA.

Kaka Michuzi na Mwanae Ally

Taarifa Kwa Umma Kuhusu Uwepo wa Dawa Bandia Kutiba Malaria

TAARIFA KUHUSU UWEPO WA DAWA BANDIA YA KUTIBU UGONJWA WA MALARIA IITWAYO ELOQUINE

 

TAARIFA KWA UMMA

TAARIFA KUHUSU UWEPO WA DAWA BANDIA YA KUTIBU UGONJWA WA MALARIA IITWAYO ELOQUINE (Quinine Sulphate 300mg USP)

Mamlaka ya Chakula na Dawa (TFDA) ni wakala wa Serikali iliyo chini ya Wizara ya Afya na Ustawi wa Jamii yenye jukumu la kudhibiti ubora, ufanisi na usalama wa vyakula, dawa, vipodozi na vifaa tiba ili kulinda afya ya jamii.

TFDA inapenda kuutaarifu umma kuwa imebaini kuwepo kwa dawa bandia ya kutibu ugonjwa wa Malaria katika soko. Dawa hiyo inaitwa Eloquine (Quinine Sulphate 300mg U.S.P) na ipo katika makopo ya vidonge 1000 (elfu moja) kila moja. Maelezo yaliyopo katika lebo yanaonesha kuwa dawa hiyo imetengenezwa na kiwanda cha Elys Chemical Industries Ltd cha nchini Kenya.

Hata hivyo, TFDA imebaini kuwa kiwanda cha Elys Chemical Industries Ltd hakitengenezi dawa yenye jina la biashara la ‘ELOQUINE’. Kiwanda hicho kimesajili Tanzania Quinine Sulphate 300mg B.P isiyo na jina la kibiashara. Aidha, kiwanda cha Elys Chemical Industries Ltd kimebainisha tofauti mbalimbali zilizopo katika lebo ya dawa bandia ikilinganishwa na dawa halisi inayotengenezwa na kiwanda hicho iliyosajiliwa na TFDA na hivyo kuthibitisha kuwa kiwanda hicho hakitengenezi dawa hiyo.

Katika kudhibiti usambazaji wa dawa hiyo hapa nchini, hadi sasa TFDA imekamata jumla ya makopo 155 ya dawa hiyo bandia ya Eloquine jijini Dar Es Salaam yaliyokuwa yakisubiri kusambazwa. Aidha, kopo moja lenye vidonge 115 limekamatwa Moshi, Kilimanjaro. Tayari mtuhumiwa mmoja amekwishafikishwa mahakamani na upelelezi wa chanzo na wasambazaji wa dawa hii unaendelea kwa kushirikiana na Jeshi la Polisi.

Uchunguzi wa dawa bandia katika maabara umebaini kuwa vidonge hivyo havina kiambato hai (active ingredient) cha Quinine Sulphate kwa ajili ya kutibu ugonjwa wa Malaria na hivyo matumizi yake ni hatari kwa afya ya binadamu.

Maelezo ya kina yanayotofautisha dawa halisi iliyosajiliwa na dawa bandia ni kama yalivyoainishwa katika jedwali hapa chini.

Dawa halisi iliyosajiliwa
Maelezo ya dawa bandia

· Jina la dawa: Quinine Sulphate 300mg B.P

· Jina la biashara: Haina jina la biashara

· Mtengenezaji: Elys Chemical Industries Ltd, Road B, Off Enterprise Road, P.O Box 40411, 00100 Nairobi, Kenya

· Rangi ya Lebo: Nyeupe na kahawia (Brown)

· Namba ya toleo: Huanzia na namba na siyo herufi. Kwa mfano: 2167E

· Muda wa matumizi (Shelf life): Miaka 4

· Jina la dawa: Quinine Sulphate 300mg U.S.P

· Jina la biashara: ELOQUINE

· Mtengenezaji: Elys Chemical Industries Ltd, Road B, Off Enterpises Road, P.O Box 4011 00100 Nairobi, Kenya

· Rangi la Lebo: Njano na Nyekundu

· Namba ya toleo: GE410

· Tarehe ya kutengenezwa: 04/2009

· Tarehe ya mwisho wa matumizi: 4/2014 (Miaka 5)

Wafanyabiashara wote wa dawa na wananchi wanatahadharishwa kutozitumia dawa hizi na wale wote waliouziwa dawa hizi wanaelekezwa kuzirudisha dawa hizo katika ofisi za TFDA, vituo vya afya vya Serikali au vituo vya polisi vilivyo jirani nao.

TFDA inapenda pia kuwakumbusha wafanyabiashara wa dawa, wasafirishaji wa vifurushi na wananchi kutoa taarifa haraka iwezekanavyo pale wanapohisi kuuziwa dawa duni, bandia au zilizoisha muda wa matumizi. Taarifa zitolewe ofisi za TFDA makao makuu zilizopo Barabara ya Mandela, EPI Mabibo External, Dar es Salaam na Ofisi za Kanda zilizopo mtaa wa Nkurumah, Mwanza, Mtaa wa Sakina – Arusha, Hosptali ya mkoa ya Dodoma na Jengo la Ofisi ya Mifugo Mkoa wa Mbeya.

Kwa maelezo zaidi tafadhali wasiliana na:-

MKURUGENZI MKUU
MAMLAKA YA CHAKULA NA DAWA
EPI MABIBO EXTERNAL,
S.L.P 77150, DAR ES SALAAM
Simu: + 255 222 450512/450751/452108
Nukushi: + 255 222 450793
Barua pepe: info@tfda.or.tz
Tovuti: www.tfda.or.tz

Wanaomba Msaada wa Gharama za Matibabu - Christina Masimba

Christina Alivyo Sasa
Christina Kabla ya Kuugua

Sisi wazazi wa Christina Nasson Masimba, Bw na Bi. Mwinjilist Masimba, tuna ujasiri mbele za MUNGU kukushirikisha/kuwashirikisha hitaji la msaada ili kukidhi gharama za matibabu ya mtoto wetu mpendwa.

Christina ni binti mwenye umri wa miaka 6, akiwa ni mtoto wetu wa mwisho kati ya watatu ambao Bwana ametubarikia. Ni mtoto mchangamfu sana, na anayempenda Mungu wake.

Tangu tarehe 9 Septemba 2009, binti yetu huyo aliugua malaria ambayo inasadikika kupanda kichwani na kumpa shida kubwa katika ubongo wake. Na hiyo imekuwa ndiyo chanzo cha kuugua kwake mpaka sasa. Kufuatia kuumwa huko, Christana alilazwa na kutibiwa katika Hospitali ya Mkoa wa Kagera (Bukoba Government Hospital) zaidi ya mara tatu. Baadaye Januari 2010, alilazwa pia katika hospitali ya Mkoa wa Dodoma (Dodoma General Hospital) wakati tukiwa likizo, na kisha akalazwa tena Bukoba Government Hospital, tuliporudi kazini Bukoba baada ya likizo.

Christina katika hali yake ya sasa, akiwa hana furaha tena yakutosha, kutokana na kuugua kwa muda mrefu! Aidha, amelazimika kusimama Shule kwa ajili ya kutibiwa.

Ukweli Christina na sisi wazazi wake tunahitaji sana watu wenye mapenzi mema,(WASAMARIA LUKA 10:25-27) ili aweze kupata huduma ya matibabu ya kumfaa, Pia uone Christina akiwa tayari kwenda shule asubuhi, kabl;a ya kuumwa, alipenda sana kusoma nakufurahia Shule.

Kati ya Aprili na Agosti, 2010 ugonjwa ulizidi kuongezeka na kuonyesha dalili za kupooza baadhi ya viungo vyake upande wa mkono wake wa kuume. Tulijitahidi kwa kila hali kwa maombi na tiba lakini bado hali yake ilizidi kuwa mbaya kadri siku zilivyopita.

Mnamo mwezi Novemba 2010, madaktari wa Bukoba Government Hospital walitutaka twende katika Hospitali ya Rufaa ya Bugando kwa uchunguzi na matibabu zaidi. Baada ya vipimo na matibabu kwa zaidi ya mwezi mmoja bila mafanikio, madaktari wa Bugando Hospital walitupa rufaa kwenda Hospitali ya Taifa Muhimbili (Muhimbili National Hospital - MNH).

Muhimbili walitupokea tarehe 18 Novemba, 2010 na kumtibu mpaka 21 Desemba, 2010. Walijitahidi kupima kila kipimo walichofikiria na, pale walipohitaji kipimo kilichokuwa hakifanyiki hospitalini hapo, walituelekeza kukipata katika hospitali nyingine nasi tulitekeleza maelekezo yao. Kwa ujumla, vilifanywa vipimo 14 kama vilivyoainishwa hapa chini. Ndipo shida iliyompata alipougua kwa mara ya kwanza ikagundulika.

Vipimo alivyopimwa ni:

CT – Scan (Kichwa).
EEG – (kipimo cha utendaji kazi wa ubongo).
FBP – (kipimo cha damu) Normal.
Sickling test –(Negative).
HB electrophoresis AA.
Echocardiogram (ECG) – normal.
CXR (normal).
Abdominal ultrasound.
LFT (normal).
RFT (normal).
TCD NCA (Middle Cerebral Artery) - both normal.
PT, PTT and INR (all normal).
HIV screening (Negative).
EEG – (consistent with focal seizure disorder).

Hata hivyo, vipimo hivyo na matibabu aliyopatiwa havikuleta ufumbuzi au unafuu katika hali ya Christina, bali hali yake ilizidi kuwa mbaya. Mnamo tarehe 20 Desemba, 2010 MNH walituruhusu (discharge) ili turejee nyumbani kwa kupitia Bugando Referal Hospital kwa kujigharamia, na kututaka turudi hospitalini hapo baada ya muda wa miezi miwili (2) ili waangalie hali yake.

Kwa kuzingatia gharama kubwa za usafiri, na ukweli kuwa hali ya mtoto ilikuwa inazidi kuwa mbaya, hatukuweza kwenda Bugando wala Bukoba. Badala yake, tulipata familia moja hapa Dar es Salaam iliyokubali kutupokea wakati tunaendelea kutafuta ufumbuzi wa matatizo ya afya ya binti yetu.

Ndipo tulipochukua hatua nyingine ya imani, na kuaza kutafuta jinsi ya kupata matibabu mahali popote. Tuliendelea na huduma za maombezi na matibabu madogo madogo hapa Dar es Salaam na Dodoma. Wakati huo huo, tulianza mawasiliano na hospitali za India ili kuona uwezekano wa kupata uchunguzi wa ziada na matibabu nchini huko.

Hivi sasa nafasi ya matibabu imepatikana katika Hospitali ya Indraprastha Appolo, New Delhi, INDIA.

Mchanganuo wa gharama za safari na matibabu ya Christina katika hospitali hiyo ni kama ifuatavyo:


HITAJI *****BEI**** IDADI ****JUMLA

1 Pasi za Kusafiria ****75,000 ****3 ****225,000
2 Visa**** 150,000 ****3 ****450,000
3 Tiketi ****1,488,000 ****3 ****4,464,000
4 Uchunguzi (siku 7 za mwanzo)**** 8,680,000**** 1 ****8,680,000
5 Makazi nje ya Hospitali (siku ya 8 – 14)***** 1,550,000 ****1**** 1,550,000
6 Matibabu na Makazi (wiki 7 zinazofuata)**** 12,400,000**** 1**** 12,400,000
7 Madeni ya matibabu tangu Disemba, 2010 ****800,000 ****1**** 800,000

JUMLA ZINAZOHITAJIKA

28,569,000/- (T.Shs)

Kiasi hiki ni kikubwa sana kwa uwezo wetu, na tunaomba mchango wako wa kutuwezesha kukidhi gharama hizi. Kwa kadri Mungu atakavyokugusa rohoni, tutashukuru kupokea mchango wako kupitia katika yoyote kati ya akaunti zifuatazo:-

Jina la Akaunti
Benki
Namba ya Akaunti

Nasson Richard Masimba
CRDB
011 205 709 1300

Nasson Richard Masimba
NBC
02 720 108 8567

Nasson Richard Masimba
NMB
318 160 5859

Nasson Richard Masimba
MPESA
076 777 8583

Ahsante sana kwa hatua yako. Tunaamini kuwa, tukinia pamoja, tutapata ushindi na ushuhuda kwa MUNGU wetu.

Bw Nasson R. Masimba na Bi Mariam N. Masimba

Wazazi wa Christina

0784778583, 0715778583, 0767 778583; 0658778583, 0756930810

masimbar2005@yahoo.com
= = = = =

Unaweza pia kuwasiliana nasi au kupata maelezo zaidi kupitia namba zifuatazo, na MUNGU akubariki sana.

Kazi New York - Malaria No More

Wadau hebu mcheki nafasi za kazi katika hiyo NGO inayopambana na malaria.

http://www.malarianomore.org/jobs-and-internships

Wanajeshi wa Marekani Waugua Malaria Haiti

Leo kuna habari kuwa wanajeshi sita wa kiMarekani walioko Haiti wamepata ugonjwa wa homa (Malaria). Na sasa kuna habari kuwa wanajeshi walioenda Afrika pia wameugua, wengine mpaka karibu wafe. Kwa kweli watu wanaanza kuhaha maana wanadhani malaria ni ugonjwa mbaya mno. Sasa hivi mtasikia watu wanahofu kwenda Haiti au Afrika shauri ya kuhofu kuambukizwa malaria.

Ukiumwa malaria Marekani unafungwa quarantine, utadhani una ugonjwa wa ukoma. Nakumbuka MBongo fulani alienda likizo Bongo, alivyorudi alimwambia mwajiri wake kuwa anaumwa malaria, walifukuza kazi mara moja. Mwingine aliiambiwa asirdui mpaka ana cheti cha daktari kuhakikisha ni mzima.

Mnaweza kusoma habari zaidi hapa:

http://www.stripes.com/article.asp?section=104&article=68329

Malaria!

Wadau, nimerudi Boston. Siku ya jumamosi nilikuwa sijisikii vizuri nikiwa nyumbani kwa wazazi wangu pale Tangi Bovu. Ilikuwa nikitembea kidogo nachoka. Mama yangu kasema niende Massana Hospital kupima damu. Nilienda jumapili asubuhi kupima. Kweli nilikutwa na Malaria! Duh! Nikapewa tiba. na kuondoka mchana huo huo. Yaani nadhani niliambukiwa siku ya kwanza nilivyokuwa Dar.

Chandarua ya dawa, dawa ya kuzuia mbu ya kupaka, RUNGU, Anti-malarials (malarone) hazikuyfanya kazi!

Hata hivyo nategemea kurudi Tanzania mwakani na kukaa muda mrefu zaidi!

Bill Gates aachia Mbu kwenye Mkutano wa Wazungu!

Juzi, tajiri na mataalam wa kompyuta, Bill Gates, alifungua kopo la mbu kwenye mkutano wa Design Conference California. Wanaohudhuria huo mkutano ni wataalam wa hali ya ju katika fani zao, wanasiasa, mastaa na hata wafalme! Hao watu walihaha kweli kwa hofu kuwa wataambukizwa malaria. Nasikia watu wengine walilia.

Akifungua kopo la mbu alisema, " Ugonjwa wa malaria unasambazwa na mbu, nimeleta mbu wachache hapa sasa nawaachia huru hapa watembee. Hakuna sababu ya watu maskini tu kuumwa ungonjwa wa malaria!" Baadaye aliwwambia kuwa watu wasiwe na hofu maana hao mbu hawana malaria, bali ni mbu aina ya anopheles wanaobeba ugonjwa huo. Hata hivyo ujumbe wake uliwafikia! Lazima niseme ni shujaa kwa tando aliyofanya.

Wadau, hapa Marekani ukisema malaria watu wanaugopa kweli. Bora mtu useme una UKIMWI kuliko malaria. Nafahamu watu walioenda Bongo wakapata malaria na walivyorudi na kuwaambia wanaumwa ugonjwa huo waliachishwa kazi. Wengine wanatengwa huko hospitalini (quarantine). MBongo mwingine aliwekwa chini ya ulinzi wa polisi!

Rais Bush alijitahidi sana kusaidia Afrika na tatizo la malaria a UKIMWI. Kama wameweza kufuta ugonjwa huo sehemu nyingi duniani kwa nini wasiweze kufuta Afrika? Na kama pale Dar wakisema kuwa kila mtu atie mchanga/udongo kwenye madimbwi ya machafu karibu na nyumba zao, si itasaidia kupunguza.

Wadau, mnakumbuka miaka ya 80 waJapan walianzisha mradi chini ya Halmashauri ya jiji kupuliza dawa ya kuua mbu jijini. Huo mradi ulisaidia sana kupunguza mbu, ila baada ya miezi sita na waJapani kuondoka na kuachia waBongo uligueka mradi wa mtu. Nakumbuka mtu alifika nyumbani na kusema kama unataka dawa lazima ulipe! Wakati waJapani walikuwepo ulikuwa bure! Jamani!

Kwa habari zaidi someni:

http://www.americanthinker.com/2009/02/the_bill_gates_mosquito_circus.html

http://www.guardian.co.uk/technology/blog/2009/feb/07/bill-gates-ted-mosquitoes

http://www.sfgate.com/cgi-bin/article.cgi?f=/c/a/2009/02/07/BULG15OVGP.DTL

Msimu wa Mafua

Wadau samahani kwa kuwa mvivu wa kuposti wiki hii. Nimekumbwa na mafua. Kichwa kinauma. Macho yanawasha. Nakohoa. Ofisini karibu kila mtu anakohoa na kupiga chafya ovyo. Tunamlaumu aliyetulea huu ugonjwa, tunamhisi mtu aliyeipata kutoka kwa mtoto wake ambaye yuko vidudu. LOL! Huenda kuna mtu kambukizwa kwenye treni (subway) utajuaje? Mafua ni malaria ya Marekani.

Rais Bush na Rais Kikwete wazungumzia Malaria

Rais Kikwete akikutana na Rais Bush huko Oval Office, White House, Washington D.C. USA

Picha kwa hisani ya Freddy Maro wa Ikulu

US, Tanzania Leaders Discuss Malaria
By Scott Stearns
White House
29 August 2008

U.S. President George Bush and Tanzanian President Jakaya Kikwete met Friday at the White House to talk about fighting malaria. VOA White House Correspondent Scott Stearns has the story.

President Bush's malaria initiative has reached some 25 million people in Sub-Saharan Africa over the last three years.

Nowhere has it had a more dramatic impact than on the Indian Ocean island of Zanzibar, where insecticide-treated bed nets and indoor spraying have reduced malaria's incidence from about 20 percent of the population to just one percent.

Zanzibar is part of Tanzania, and President Kikwete thanked President Bush for America's help in curbing malaria on the island, as well as working to confront the disease on the mainland.

"Of course, our biggest challenge now with Zanzibar is how to sustain that success, because only [30 kilometers] away on the mainland, in Dar es Salaam, malaria is still there," he said. "So, if people go to Zanzibar with malaria, then the problem is there."

At least one million infants and children under five die from malaria each year in Sub-Saharan Africa.

Fighting the disease was a big focus of the president's trip to Africa earlier this year, when he met with President Kikwete at State House in Dar es Salaam.

Speaking to reporters following their Oval Office meeting Friday, President Bush again thanked President Kikwete for his hospitality, and praised his determination to use foreign assistance wisely.

"I am confident in saying to the American people that your money is being spent wisely and compassionately in Tanzania, and a lot of it has to do with the leadership of the president," said the U.S. president. "He stood up and said, 'We've got a problem, and I'm going to take the lead.' And his government has been responsive to the needs of the people."

The president's malaria initiative is spending more than $1 billion over five years to cut malaria deaths by half in 15 African countries.

During their White House talks, President Bush and President Kikwete also discussed efforts to resolve political divisions in Zimbabwe and end the violence in Sudan's troubled Darfur region.

President Kikwete has been involved in both efforts in his role as the current chairman of the African Union.

Rais Bush atatembelea Bongo mwezi ujao!

President Bush does the so-called Malaria Dance

Haya! Rais Bush wa Marekani atatembelea nchi tano za Afrika ikiwemo Tanzania mwezi ujao!

WaBongo mkaribishe kwa vigelegle za shangwe. Anataka kuona maendeleo katika mapambano dhidi ya UKIMWI na Malaria. Alitoa dola $15bilioni za kusaidia Afrika katika mapambano dhidi ya hayo magonjwa.

**********************************************************************

Bush Visit to Africa Feb. 15-21
By TERENCE HUNT

WASHINGTON (AP) — A month after returning from the Middle East, President Bush will travel to Africa in February on a five-country tour.

The president, accompanied by his wife, Laura, will visit Benin, Tanzania, Rwanda, Ghana and Liberia, the White House announced on Friday.

"This trip will be an opportunity for the president to review firsthand the significant progress since his last visit in 2003 in efforts to increase economic development and fight HIV/AIDS, malaria, and other treatable diseases, as a result of the United States robust programs in these areas," a White House statement said.

It said Bush also would talk with leaders about how the United States can help promote democratic reform, respect for human rights, free trade, open investment regimes and economic opportunity across the continent.

Bush returned Jan. 16 from an eight-day trip to Israel, the Palestinian-governed West Bank, Kuwait, Bahrain, United Arab Emirates, Saudi Arabia and Egypt. He plans at least a half dozen more trips to the Middle East, Asia, Europe and South America before leaving office next January.

Bush in November urged Congress to double U.S. money for the global fight against HIV/AIDS, to $30 billion over the next five years. In 2003 Congress approved $15 billion for the President's Emergency Plan for AIDS Relief (PEPFAR). The program is active in 120 countries, with a concentrated focus on 15, including Namibia, in sub-Saharan Africa, Asia and the Caribbean.

As of the end of September, 1.36 million people in those focus countries had received antiretroviral treatment through the program, with a focus on averting infant infections by treating pregnant women. Others receive testing and counseling.

Doubling the funding for PEPFAR would provide treatment for 2.5 million people, the White House said.

Ukiumwa malaria Marekani!

Umewahi kuugua malaria Marekani? Usiombe maana ugonjwa ambao unatibika Bongo, inaweza kukuua hapa. Bora uje na dawa kutoka Bongo kabisa.

Hapa USA hawaelewi kabisa malaria ni ugonjwa wa aina gani. Nawambia huwezi kuipata kupitia kwenye hewa. Nikawaambia kuwa Afrika, m ugonjwa wa malaria ni common vile ugonjwa wa mafua hapa. Watu wengi tu wanapata. Nawaambia inaambukizwa na mbu, tena anopheles mosquito. Hapa Marekani hamna. Kuna siku niliwaambia watu weusi na wazungu wa hapa kuwa niliuugua malaria sana nikiwa Tanzania, wakanitazama kwa mshangao na woga. Utadhani walikuwa wanamtazama Frankenstein yule monster wa kwenye masinema!

Nafahamu wazungu kama wanne ambao wamekufa nao hapa. Kisa madaktari hawakujua wanaumwa nini. Wali safiri nchi zenye malaria na kuugua baada ya kurudi. Pia mara nyingi madatari wa Marekani hawa uzoefu na huo ugonjwa ambao Tanzania ni kama kuugua mafua hapa.

Kuna MBongo kanisimulia kuhusu alivyokuja tu kutoka Bongo miaka ya 80, New York. Anasema alianza kujisikia vibaya na akaenda clinic. Kamwambia daktari kuwa anadhani ana malaria, maana katoka Tanzania hivi karibuni. Heh! Kosa kubwa. Kajaza fomu kwenda CDC (Center for Disease Control). Anasema manesi walikuwa wanamwogopa. Wakawa wanauliza kama wanaweza kuambukizwa. Anasema daktari hakuwahi kutibu malaria na ilibidi angalie kwenye kitabu na kumwandikia prescription ya quinine! Damu ilipimwa na ilichukua siku tatu kupata majibu. Haikuisha hapo, anasema alivyofika nyumbani katembelewa na health officer wa serikali. Wakamwuliza maswali mia kidogo mpaka kaogopa kuwa atarudiishwa Tanzania.

Bahati nzuri haikuwa na malaria wakaacha kumsumbua.

Lakini hivi karibuni kuna jamaa alienda Tanzania, karudi na malaria. Akashindwa kwenda kazini , alichukua siku mbili off na kupiga simu kuwa amerudi kutoka safari lakini anaumwa. Alivyoenda kazini, bosi kamwuliza alikuwa anaumwa nini, jamaa kamwambia, alikuwa na malaria. Heh! Utadhani jamaa alimwambia anaumwa Ebola virus. Jamaa alifukuzwa kazi. Nikamwambia bora ungemwambia unflu au UKIMWI, kulikoni umwambie kuwa una malaria.

Na kuna dada fulani naye aliuugua, tena alipata attack ya kusikia baridi na kutetemeka akiwa kazini. Kazi aliyokuwa anafanya ni ya kuangalia wazee. Huyo alikuwa na bahati walimpa paid leave ya wiki tatu! Lakini aliniambia kuwa alijuta kwa nini aliwaambia maana watu walikuwa kama wanamwogopa.

Naona siku hizi mambo kidogo afadhali, maana kuna tropical disease experts wengi. Wengine walifanya practicals kwenye mahospitali za Afrika na hata Tanzania. Lakini ukimkosa mtaalamu wa kukutibu, Mungu akulinde.

Karibuni mtoe maoni yenu au story zenu za malaria Marekani.