Bongoland II ndani ya Bongo

Mimi na Josiah Kibira. Bwana Kibira ametunga sinema ya Bongoland II, ameuongoza na amecoordinate production. Pia ni Producer. Bongoland II ni sinema yake ya tatu, sinema zake zingine ni Bongoland I na Tusamehe.

Cameraman Sam Fischer na Soundman Alex Alvarez, wakijadili jinsi watavyopiga scene huko Mikocheni B. Josiah Kibira akitoka kucheki kuwa set up ya scene iko tayari.
Huyo ni Patrick kutoka Sofia Records akicheki scene kwenye camera.
Mimi na Peter Omari. Katika Bongoland II nimeigiza kama dada yake Zaina.

Thecla Mjatta na Peter Omari wakifanya scene katika Bongoland 2.
Director Josiah Kibira, akijadili jinsi ya kupiga scene.
Ndani ya hiyo nyumba kulikuwa na makochi imported, utadhani za IKEA.
Crew na interns kutoka UCLA wakijadili jinsi ya kupiga scene huko Mikocheni B.
Dada Thecla Mjatta yuko tayri kufanya scene yake.

Mjue Msanii Chipukizi wa Bongo - Liz Michael

Liz in her costume for Bongoland II scene.

Cameraman Sam Fischer akipozi na Liz Michael baada ya audition yake.

Nilisema siku nyingi kuwa Bongo kuna watu wenye vipaji vikubwa katika mambo ya uigizaji. Na kweli, tulivyokuwa kwenye shoot ya Bongoland II huko Dar, tuliona wengi wenye vipaji. Hata vijana wadogo wamebarikiwa.

Nilikutana na msichana Liz Michael Kimemeta, mwenye miaka 12 tu. Kama uko Bongo huenda umemwona akihosti vipindi vya watoto. Katika sinema ya Bongoland II anaigiza kama mtoto muuza chapati. Alijua lines zake mara moja na kushangaza watu. Nilimwuliza kama mzazi wake alimsukuma katika mambo ya uigizaji na filamu, alisema hapana na alitokea kupenda mwenyewe.

Pia Liz aliweza kuongea kiingereza kizuri sana (alisema alianza kujifunza kiingereza mwaka jana tualipo hama shule) na kuelezea crew kuhusu ndoto yake ya kuifka Marekani na kuigiza katika sinema huko. Akiendelea na moyo wake huenda atafanikiwa.

Bongoland II - Manzese

Picha hizi zinatoka Kwenye site ya Sam Fischer, ambaye ni Cameraman kwenye sinema ya Bongoland II. http://web.mac.com/samfischer/iWeb/Site/Africa%20Photos%202.html

Hapo juu Star wa Bongoland II Peter Omari, na actor mwingine wanajiandaa kuacti scene kwenye gari.

Scene inapangwa. Hapa Sam Fischer anapanga jinsi atakavyopiga picha ya scene ya kupigana.

Stunt Coordinator, Jason Hilton, akicheza Kung Fu na watoto wa Manzese.

Hapa wanapadisha camera kwenye crane.

Akina Sam walitengeneza Crane kwa ajili yakupandisha camera na kupiga scene kutoka juu. Ila bahati mbaya crane ilivunjika na haikuweza kutumika.

Uchochoro wa Manzese. Amini msiamini, zamani hii ilikuwa barabara ambayo magari yalikuwa yanapita. Baba mdogo alikuwa ana drive hapo na kupaki gari yake kwenye gereji yake. Sasa asante ujenzi holela hakuna barabara tena.

Muongozaji na Mwandishi wa sinema ya Bongoland II, Josiah Kibira, akifika kwenye nyumba ya Manzese.

Hapa Timu ya Bongoland II wana survey kama nyumba itafaa kwenye filamu. Nyumba hiyo ni ya marehemu baba yangu mdogo, Prof. Crispin Hauli. Na inatumika kwenye sinema ya Bongoland II kama nyumba ya 'Uncle'.