Picha zaidi za Bongoland II Film Shoot Dar es Salaam

Cameraman and Cinematographer Sam Fischer, akifanya vitu vyake mitaani Dar es Salaam.

Moja wa Interns kutoka kampuni ya Sofia Records akirekodi somo kuhusu film editing kwenye shoot ya Magomeni.

Some of the UCLA interns at the shoot at Manzese. Manzese was the location for Uncles's house.

Mama Thecla Mjatta akisome script kabla ya scene huko Tanki Bovu.

Gayle alikuwa in charge kwenye msawala ya chakula. Hapa yuko Manzese.
Bwana Kibira alimdraftio baba yangu kuwa extra kwenye scene. Nyuma ni Mzee Olutu na Mama Thecla Mjatta .

Mbele ni mcheza sinema maarufu wa Bongo, Shafii. anaposi na interns wa UCLA, baba yangu na Peter Omari.

Mama Mjatta na Mzee Olotu wakipata maelezo kutoka kwa Mwuongoza sinema, Josiah Kibira kabla ya kufanya scene Manzese.

Stelingi Peter Omari, kama Juma, ambaye ni mhusika mkuu katika sinema ya Bongokand II.

Kwa kweli nashukuru kuwa nilipata nafasi ya kushiriki katika sinema ya Bongoland II. Ninamshukuru hasa Bwana Josiah Kibira, kwa kuandika script nyingine safi na kufanikisha kutengeneza kwenye sehemu halisi (authentic location) Dar es Salaam. Kwa kweli safari ilikuwa ndefu mpaka kukamilisha lakini yeye na timu yake walikamilisha.

Natumaini sinema ya Bongoland II ikitoka mtaifurahia mno.

Hizi ni picha zaidi na bado sijasafisha mikanda mingine.

Kwa habari zaidi za Bongoland II someni:

Mimi na Mcheza Sinema wa Marekani Cory Tyler

CoryTyler appearing on a USA TV Show.
Kushoto ni baba yangu, Dr. Aleck Che-Mponda, Kuwana Hausley (mchumba wa Cory), Cory, Mama yangu na mama Nancy Macha.

Tulipata bahati ya kutembelewa nyumbani, Tanki Bovu, na mcheza sinema kutoka Marekani, Cory Tyler. Alikuja na Mchumba wake, Bi Kuwana Hausley. Wanatembelea Bongo kwa mwaliko wa serikali kuona jinsi watakvyoweza kutangaza Utalii Tanzania.

Cory alianza kucheza katika televison na sinema za Marekani akiwa mtoto mdogo kabisa. Nilimtambua kwa vile alicheza kama 'Terrance' katika ile show, A Different World iliyohusu maisha katika Chuo Kikuu fulani Hillman College. Show ilianzishwa na Bill Cosby.

Pia Cory amecheza katika televison shows zingine kama Beverly Hills 90210, na Moesha. Kwa habari zaidi za Cory Tyler, nenda:

http://www.imdb.com/name/nm0878798/

Mimi na Michuzi

Tanzanian Photojournalist, Muhidini Issa Michuzi, akiburudika baada ya kazi ngumu huko Safari Carnivore, Mlalakuwa.

Mimi na Michuzi huko Safari Carnivore, Mlalakuwa. Michuzi alinipa offa, kwa kweli nyama choma pale ni tamu sana.

Michuzi naye anajua kuselebuka! Hapa yuko kwenye arusi huko Dar. Aliniambia anaalikwa kwenye arusi nyingi sana na anashindwa kuhudhuria zote, kwa siku anaweza kualikwa arusi hata tano! Kweli Michuzi amekuwa 'Popular'! (photo from Jiachie Blog)

Mjue Msanii Mkongwe wa Bongo Mzee Godwin Kaduma

Mzee Kaduma akiburudika na sigara, huko akitoa mawaidha juu ya fani ya kutengeneza filamu. Mzee Kaduma alicheza kama Sekondo, katika sinema ya Arusi ya Mariamu. (1985)
http://www.grisgrisfilms.com/html/marriage_of_mariamu.html

Mzee Kaduma ndani ya Theater anayojenga. Anasema atakuwa anafundisha kozi za usanii hapo. Kwa kweli ni jengo safi sana. Bado haijaisha lakini.

Nilivyofika kwa Mzee Kaduma, niliburudika na soda baridi. Tulikuwa na manongezi marefu sana juu ya fani ya sinema Bongo, script development, na mambo mengi ya usanii. Nilifurahi sana siku hiyo kupata ushauri kuhusu filamu kutoka kwa Mzee Kaduma. Tulikuwa tumemwomba Mzee Kaduma acheza kama 'Uncle' kama sinema ya Bongoland II, lakini alikataa kutokana na majukumu mengine.

Mzee Kaduma na mbwa wake Tommy. Utashangaa Mzee Kaduma anavyoongea na Tommy na jinsi Tommy anayotii amri.

Hii ndo View kutoka backyard ya Mzee Kaduma.

Utengenezaji wa Sinema ya Bongoland II mjini Dar es Salaam

Msaidizi wa Josiah Kibira, Chris Audet kutoka Minnesota, akipanga mambo ya shoot. Hapa ni Manzese.

Mama Thecla Mjata anayecheza kama Mama yaka Juma, na Mzee Olotu anayecheza kama Uncle, akitoka kwa hasira ndani ya nyumba. Hapo ni eneo la Tenki Bovu.

Cameraman Sam Fischer, wakiandaa kufanya scene barabarani na Thecla Mjatta na Mzee Olotu.

Hapa ni Manzese. Tulipiga sinema kwenye maeneo hayo. Utatuona tunkimbia maeneo la uchochoroni, hapo ni sehemu moja tulipokimbia. Huyo baba ni Baba Saidi, mjumbe wa eneo hilo la Manzese. Pia alikuwa anakaanga samaki safi sana waliotoka freshi Ferry.

Josiah Kibira akimwelezea actor kuhusu scene ya 'chooni'.

Bongo Child Superstar Liz Michael Kimemeta alicheza kama mtoto muuza chapati. Liz alitueleza kuhusu ndoto yake ya kuja kuacti kwenye sinema za Hollywood. Kwa kweli mtoto ana kipaji. Nilimowna akihosti kipindi cha watoto kwenye TV Bongo.

Hapa wanashoot scene ya 'chooni' hapo Magomeni Mikumi.

Hapa wako Tanki Bovu nyumabni kwa wazee wangu.

Hapa Peter Omari anayecheza kama mhusika mkuu, Juma, akifanya scene na landlady wake anachezwa na mcheza sinema maarufu wa Bongo, Bi Hindu.

Mimi na Steven Kanumba

Siku ya kwanza kwenye shoot ya Bongoland II huko Magomeni Mikumi, tulibahatika kutembelewa na maSuperstar wa Bongo. Kulia kwangu ni mcheza sinema maarufu wa Bongo Steven Kanumba. Kushoto ni Emmanuel Myamba ambaye naye ni Bongo Superstar.

Kwa kweli nilifurahi sana kuwaona, hasa Steven maan nilikuwa nimesikia sifa zake na hasa habari ya sinema ya Dar 2 Lagos. Bado sijaiona lakini.

Kwa habari zaidi za Steven Kanumba soma:

http://www.ippmedia.com/ipp/dar_beta/maisha/news/2007/05/15/sasa_ni_safari_kuelekea_hollywood_.html

WaKenya wajanjaruka na kufanya utapeli wa KiNigeria USA!

Hii story ni babukubwa! Maana itasababisha hata waTanzania wapate matatizo sasa. Waafrika wengi wanafanya hizi kazi za kuosha wazee na mataira. Sasa hii kesi itafanya tukose hata hiyo kazi!

Kwa miaka mingi waafrika hasa kutoka Afrika Mashariki waliweza kukaa USA bila makaratasi na kutokusumbuliwa sana. Ila baada ya hiyo tukio, lazima msako mkali ya East Africans USA inakuja.

*************************************************************************************
Grand Jury Indicts 17 People
UPDATED: 5:41 pm CDT July 19, 2007
E-mail this story Print this story

KANSAS CITY, Mo. -- A federal grand jury has indicted 17 people for allegedly using the identities of Kansas City-area nursing home residents to file bogus tax returns across the country.

They allegedly sought $13.1 million in refunds.

In an indictment returned Wednesday and unsealed Thursday, prosecutors charge the defendants with stealing the personal information of around 300 individuals and using it to file at least 365 fraudulent federal tax returns beginning as far back as February 2005.

U.S. Attorney John Wood told reporters the conspirators also filed fraudulent tax returns in 27 states.

Wood said some of the refunds paid to the defendants were cashed and transferred to the African nation of Kenya, where 12 were either born or held citizenship.

"We're seeing identity thieves using more complex and sophisticated methods to commit their crimes than ever before," Wood said.

The indictment names as defendants Loretta Wavinya, 30; Ervin Somba, 26; Edwin Nyumu Sila, 25; Lillian Nzongi, 26; Moses Ndubai, 33; Bernard Nyemba, 39; Jeanette Alexander, 38; Michael Anderson, 46; Rashira Lewis, 20; and Parker S. Willingham, 23, all of Kansas City; Vincent Niagwara Ogega, 23, of Independence; Aaron Mutavi, 28, of Overland Park, Kan.; Kenneth Njagi, 31, of Lenexa, Kan.; Mary Githia, 25, of San Francisco; Ernest Kangara, 40, of Santa Rosa, Calif.; Paul Kilungya Nyumu, 41, address unknown; and Karingithi Kamau, age and address unknown.
Prosecutors said 10 of the defendants are in custody and being held pending a hearing, three are believed to be living in Kenya and four are unaccounted for. Wood said his office is working with officials in Kenya to try and find the defendants there.
According to the indictment, Wavinya and seven other defendants worked in Kansas City-area nursing homes and hospitals and had access to patient information.
"Frankly, it's not hard to get identity information in an institutional situation," said assistant U.S. Attorney J. Kurt Bohling.

The indictment claims Wavinya, who worked as a tax preparer at H&R Block Inc. in late 2002 and early 2003, and others prepared and filed false tax returns under the victim's names, listing jobs and income the victims had never had and claiming thousands of dollars in tax refunds. The returns were filed electronically, sometimes using public Internet portals, such as those in coffee shops, or by piggybacking on someone else's wireless Internet signal.

The refunds were deposited in bank accounts allegedly opened by the defendants, who then used a series of "runners" to withdraw the money in increments less than $10,000 each in an attempt to avoid federal scrutiny, the indictment claims. In some cases, Wood said, bank officials or the IRS grew suspicious and froze the accounts.

Some of the money was wired to banks in Kenya or withdrawn through ATM machines there. In other cases, the refunds were electronically deposited on prepaid debit-style cards obtained anonymously over the Internet.

Besides the overall conspiracy charge, the indictment charges 14 of the defendants with wire fraud, charges Wavinya with two counts of aggravated identity theft and charges Nzongi with money laundering.

Wood said some of the defendants may have been in the country on expired visas.

KWA HABARI ZAIDI SOMENI:

http://allafrica.com/stories/200707230039.html

http://www.usdoj.gov/usao/mow/

DAILY
NATION

The arrests sent shock waves among Kenyans living in Kansas City, many of
whom have taken up nursing jobs who now fear that employers might be wary of
hiring them.

Niko Dubai Tena

Haya ndugu wasomaji wapendwa, niko njiani kurudi USA. Niko Dubai Airport ni midnight (Saa sita za usiku) nangojea flight ya kwenda New York.

Samahani nilibanwa sana kwenye shghuli za sinema, lakini nadhani mtapenda sinema enyewe. Itatoka hivi karibuni. Hiyo Emirates ni ndege safi sana. Wanachukua soko ya British Airways / KLM etc. naona na Qatar Airways wameingia na bei nafuu za tiketi.

Mengine Kesho kutwa.

Na kwa yule aliyekuwa na wasiwasi....mbona nilikuwa na simu Bongo.

Bagamoyo Road

Leo nimekwenda mjini Bagamoyo, mkoa wa Pwani. Barabara safi kabisa. Ila magari yanaenda kwa kasi na wana overtake hata kwenye maeneo ya solid lines. Mji wa Bagamoyo unapanuka kweli, na hapajalala kama zamani.

Anayecheza kama Juma, Peter Omari amefiwa na alienda kuzika, hivyo nilikuwa na mapumziko kidogo.

Maendeleo Bongoland II

Tunapiga hatua katika shooting ya sinema, Bongoland II. Juzi tulipiga scene ya Car Chase Manzese, na watu kukimbia kwenye vichochoro vya huko. Authentic hasa. Wacha nikanyage maji machafu ya bafuni, si mnajua Manzese hakuna sewage system!

Sinema ina mapenzi, lakini kwa sasa sisemi ni kati ya nani na nani. Mtaona wenyewe.

Bwana Kibira amekutana na problem ya actors wa Bongo kutaka kuigiza kama zile sinema za Nigeria. Kuna mikasa mpaka unaweza kuanguka chini kwa vicheko. Hivyo actors wengine wa awali wamebadilishwa. Lakini anajitahidi sana kuwapa training ya style anayotaka kwanza, wakishindwa ndo kwa heri. Mama Mjatta na Mzee Olotu ni A+ actors.

Watu wamekuwa freshi kweli kila sehemu tukienda ku-acti. Na picha zimepigwa kibao.

Juzi cameraman wetu Sam Fischer, alianguka na kuteguka mguu. Alikuwa analia kwa maumizu, ikabidi apelekwe hospitli. Lakini mzungu wa ajabu huyo hajaomba evacuation, anabaki na kuendelea kushuti na magongo yake.

Kichekesho. Tuko na mabinti wa chuo kikuu cha UCLA, sasa hivi wamebakia wawili tu., tulianza na kumi. Wanataka kula maisha tu. Bwana Kibira alienda Slipway kwenye shughuli fulani. Huko si ndo kakutana na moja wa hao mabinti akishuka kwenye boti akitokea sijui kisiwa gani. Kibira kamwuliza kwa nini hakwenda kwenye seti. Yule binti alikuwa hana la kusema. Pia tuna interns wa Bongo wanaotoka kampuni ya Sofia Records.

Dar es Salaam

Salamu nyingi sana kutoka Dar es Salaam. Kwa kweli hali ya hewa siyo joto kama iliyokuwa nilivyokujwa mwaka jana Novemba. Kwa sasa hali ya hewa siyo mbaya. Kwa mara ya kwanza umeme umekatika hapa kwetu Mbezi Beach. Hii cafe wana generator, ila air condition haifanyi kazi ni joto balaa.

Ila bado kuna mavumbi na msongamano wa magari umezidi kuwa mbaya mno. (TRAFFIC JAMS). Nimekwisha shuhudia accident za magari kama nne hivi. Bahati hakuna aliyeumia, ila magari yao ndo yaliumia.

Filmming ya Bongoland II inaenda vizuri sana. Tuko na wasanni maarufu wa hapa Mzee Olutu, Shafii, na mama mjatta. Wanafanya kazi nzuri sana. Bongoland II itakuwa safi sana.

Ila bado nalalamika, internet connection nayo tumia ni mbaya. Niko Mbezi Squre, Silver cafe, na naona kila mtu anapta shida kufungua site wanazotaka, mpaka watu wana hama hama computa. Bado sijaweza kufungua site ya Michuzi, na site yangu ila naingia kupitia blogu moderation.

Nina picha nyingi za kubandika. Haya siku nyingine. Leo nilikuwa na mapumziko kidogo. Kesho naendelea na shooting ya Bongoland II.

Niko Dar na nina mengi ya kuwaelezea. Ila internet connection shida. filiming ya Bongoland II ilianza Ijumaa iliyopita.

Leo nilitembelea Saba Saba.

Nina picha na habari nyingi tu. Natafuta connection nzuri.

Safarini Tanzania

Kwa sasa niko Dubai. Natumia keyboard enye maandishi ya kiarabu. Bahati nzuri najua keys ziko wapi. Airport ya Dubai ni safi sana. Hata bathrooms nu safu kuliko za JFK New York. Duty Free nzuri pia.
Ila joto. Air condition haifanyi kazi vizuri.

See you in Dar soon.

Wazazi Wangu safarini Boston

Kutoka Kushoto, Mhesimiwa Frederick Sumaye, Dr. Aleck Che-Mponda, mimi na mama yangu. Tulienda kumsalimia Mheshimwa Sumaye, ambaye kwa kweli alikuwa mkarimu sana. Msaidizi wake alitupikia mishikaki mitamu kama nyumbani. Mheshimiwa Sumaye amemaliza masomo yake Harvard University hivi karibuni.

Baba akiagana na Mheshimiwa Sumaye ambaye alikuwa jirani yangu hapa Cambridge, Ma. Ndo siku nilikabidhi kanda za sinema ya Tusamehe na Bongoland.

Baba na Mama wakiwa South Station, Boston Ma. kuelekea New York City ambapo walienda kusalimia ndugu na marafiki.

Dr. Aleck Che-Mponda akicheki sanamu ya mbwa aina ya St. Bernard huko Mohegan Sun.

Production ya sinema Bongoland II imeanza!

Baadhi ya Crew wa Bongoland II wakiongea na Producer Mussa Kissoky wa Sofia Records.

Bwana Kibira akielekea kwenye usafiri wa kwenda mjini Dar.

Mtengeneza sinema, Josiah Kibira, na timu yake wamekwisha tua Bongokwa ajili ya shughuli za kutengeneza sinema ya Bongoland II.

Asante Kaka Michuzi kwa kunipa updates na kuniruhusu kutimia picha.

Kitabu cha 'Oyster Bay Stories'

Mwandishi Jules Damji

Kusoma blogu yake bofya hapa: http://oysterbay-stories.blogspot.com/

Hivi karibuni nimegundua kitabu cha 'Oyster Bay Stories' kilichoandikwa na bwana Jules Damji. Yeye ni mhindi aliyezaliwa Tanzania na kuishi huko kwa muda mrefu kabla ya kuja hapa Marekani.

Kama tunavyojua kuna wahindi wengi Tanzania and Afrika kwa ujumla. Nao wana historia yao ndefu na makabila na dini tofauti, mfano kuna wahindi wakristo, waislamu (mfano mabohora) na wahindu.

Kitabu cha bwana Damji ina hadithi fupi mbalimbali kuhusu maisha ya Tanzania na hasa Dar es Salaam miaka ya 1960's na 1970's.

Kwa habari zaidi kuhusu kitabu cha 'Oyster Bay Stories' mnaweza kusoma:
http://oysterbay-stories.blogspot.com/

**********************************************************************
Excerpt from the Book:

Caretaker

In the way that elegant minarets, manicured lawns, and lush gardens with sparkling water fountains are inherently part of a Grand Mosque, Mr. Karmali was a human one. He was our jamat bhai, or caretaker, of the Upanga Mosque at the end of several rows of two-story cream-white identical flats along the bending Upanga Road.

It is a modern two-story white building, with arched glass windows along the length of each floor, and a prominent tower at one end of the building, housing four circular clocks on each of its face and a dome on top of it. It looks grand and ostentatiously conspicuous, more like a palace than a house of worship. Perhaps all houses of worship are deliberately built on a grander scale to inspire awe among its worshipers — and envy among those not of the denomination.
Even in Europe, ancient cathedrals were built on enormous scale. So were the temples of ancient India, followed by Muslim conquers who built their grand mosques, some on razed temple grounds.

On festive occasions, our Upanga Mosque would be festooned with glittering colored lights along the edges of the building, outlining its frame at night. Many postcards captured this luminous moment — and were on sale at many of the local bookstores in town. It was a landmark of its kind and a source of architectural pride for our community, not only the Upanga Mosque, but others as well, in downtown, in Kariakoo, in other coastal and interior towns. These landscape monuments spoke of the community’s powerful presence — and for many a source of envy.

Every morning and evening before prayers, Mr. Karmali would be seated in his rickety wooden chair by the main entrance doors of the mosque facing Upanga Road. His appearance and attire, like the unchanging engraved Arabic designs on the entrance doors, remained unaltered: a white flowing kanzu, concealing his large body, a brown tweed jacket adorned with old bronze medals with ribbons, and a tilted red fez on his oversized head, its black tassel, like a pendulum, brushed his unshaven jovial face as he greeted people entering the prayer hall.

He rarely spoke, and when he did, it was only to delegate mosque-related chores in Kiswahili to youngsters; his kutchi or gujarati was heavily accented, with African pronunciations, and was often ridiculed by the affluent kids who attended Friday prayers in their best designer clothes........

Dada Ummie Alley Hamid Amsuta Eric Shigongo (Amina Chifupa)

BURIANI MWANANGU AMINA CHIFUPA: PRINCESS WA TANZANIA

Na Ummie-Mahfoudha Alley Hamid

Kifo hakina wakati, huruma wala subira, huja kwa saa na muda uliopangwa na mwenyewe Subhana wa Taala Mwenyezi Mungu Mtukufu. Mwanaadamu hawezi kukipangua. Ya laiti ingelikuwa uwezekano huo upo, basi tungalipangua vifo vya wengi ambao ni vipenzi vyetu kikiwemo hichi cha juzi cha mbunge wa Viti Maalum CCM anaewawakilisha vijana katika Bunge la Jamhuri ya Muungano wa Tanzania Marehemu Amina Chifupa Mpakanjia.

Wa kale walisema chema hakidumu. Nimeuthibitisha ukweli wa usemi huu kwa kifo cha binti huyu. Marehemu Amina alikuwa na sifa zote za kupendeza. Alikuwa kijana, mrembo, mtanashati, mcheshi, msomi kwa kiasi chake na zaidi ya yote alikuwa mtu wa watu.

Si muda mrefu tangu nimjuwe Marehemu. Nilimsikia sauti yake wakati akiwa mtangazaji wa redio, na nikamjuwa kupitia magazeti na runinga. Nikaja kumjuwa baada ya kuchaguliwa kuwa mbunge wa vijana kupitia chama tawala cha CCM. Kabla ya kumjuwa fika, nilikuwa najisemea ki moyo moyo, “Hmmmm, binti kama huyu mwenye sifa zote hizi, kweli atakuwa na uwezo wa kuongea na watu wa hali ya chini anaowawakilisha? Hivi huyu si anaringa na kujiona kuwa hakuna wa kumgusa?” Hakika dhana ni dhambi na kweli nilipata dhambi kwani nilivyomdhania ikawa ni tofauti na nilivyomjua. Ukweli nilijikumbuka mimi enzi zangu nilipokuwa natikisa na namna watu walivyokuwa wanaona najivuna

Nilimwmjuwa Amina kwa muda wa miaka chini ya miwili ya ubunge wake. Aliniita “mama” nikamwitika “mwanangu”. Alikuwa ni mtu “Simpol” kwa lugha ya mjini. Alikuwa mchangamfu na pia alikuwa ni mtu mwenye sikio la kusikiliza watu na shida zao ingawa shida nyengine zilikuwa si rahisi kwake kuzitatua.

Umaarufu, ujana, urembo, wema wake ulimfanya alengwe shabaha na kila chombo cha habari, iwe kwa wema au utelezi alioufanya. Ujana wake ulimfanya awe au afanye mambo mengi ambayo yanafanywa na yalifanywa na wengi ambao walio na umri wake. Binaadamu tunasahau kuwa “ujana ni moshi” na mwishowe hupita tu. Tunasahau kuwa tumepitia hatua zote hizo na zaidi ya hizo katika ujana wetu.

Alifanya mambo ya kawaida ya ujana na urembo, alikuwa mlevi? Sikumfahamu hivyo, mvuta sigara au bangi? Sikumjuwa hivyo, mtumiaji wa madawa ya kulevya? Sikumuona na sidhani kama alikuwa hivyo. Lipi geni alilokuwa nalo Marehemu Amina hata kusakamwa na kudhalillishwa hadi kufikia kupoteza roho yake changa?

Tujiambie na tujiulize, hivi sisi tukiwa kama waandishi wa habari, ni lazima tuwe na habari mbaya (negative) ndio tuandike au ndio ziuzike? Hatuwezi kuwa na upande mzuri (positive) side of issues? Kwa nini muandishi wa habari mwenzetu anaeanza maisha na malengo yake awe ndio chanzo chetu cha habari mbovu zilizopo na zisizokuwepo? Vijarida vya udaku haviuziki bila ya kuwepo uwongo usokifuniko?

Nasema hivi kwa sababu nimesikitishwa na muandishi Eric Shigongo wa gazeti la IJUMAA ambalo slogan yake ni “We belong to God” yaani wao ni waja wa Mungu, na namna alivyomsakama mwana wa watu na kusahau hiyo slogan yake ya kuwa yeye ni mja wa Mungu na Marehemu Amina pia ni mja wa Mungu. Amemuekea makala spesheli ya kumdoboa na kumnazi’i kadmnas bila kimeme. Anamkashifu na kuashiria kuwa Marehemu amefika kumfata kwake na kujitakisha!

Shigongo amemkejeli Marehemu eti asijifananishe na Mhe. Migiro na Mhe. Meghji. Kwa nini iwe vibaya kuwa na malengo? Hata Waheshimiwa hao walimhusudu Margaret Thatcher, Golda Meyer, Bandaranaike, Madeline Albright, Indira Ghandi na Bi Titi hawa wakiwa wachache tu kati ya wengi. Hakuna aliezaliwa na ujuzi usio weza kufikiwa na wengine. Hakuna kati yetu aliejuwa tu bila kuiga au kuweka malengo. Amemkejeli kwa bezo eti hata nae awe katika NEC na awe Mwenyekiti UVCCM. Mbona huyu Mwenyekiti wa sasa nae ni mjumbe wa NEC? Kwa nini kilicho “Good for the goose” kisiwe “Good for the gander?” Au hii ni kwa sababu ya jinsia yake? Kwa Marehemu alijiwekea malengo kuwa “Even the Sky was not the limit” because there is Outer Space after the sky, and may be that is where she wanted to set the limit.

Nathubutu kusema kuwa nilivyomjuwa Marehemu kwa muda mfupi na tukawa karibu sana kiasi cha kuwa wiki haipiti bila kujuliana hali siamini kama alikwenda kwa Shigongo na kukaa kwa saa sita kupindukia usiku wa manane kwa lengo la kutumia ujanajike wake. Maalesh, na iwe kweli kenda kwa lengo hilo, kwani Marehemu Amina atakuwa wa kwanza kujitakisha? Eric Shigongo hajapata kutaka au kutakwa na mwanamke? Anasema alimshikisha Marehemu kitabu kitakatifu ili aape kama aliwahi kutakiwa na Shigongo, na Marehemu akakataa kukishika; jee Shigongo anajuwa sharia za Kiislamu na sababu zinazomfanya mwanamke wa Kiislamu kukataa kushika Mas-hafu kwa sababu na nyakati fulani fulani?

Shigongo ameendelea na makala zake za kashfa juu ya uhusiano wa Marehemu na Mheshimiwa mmoja bungeni, jee tumuite yey ni mtafiti wa habari za ndani za wabunge wote walio bungeni? Ni kweli anajuwa mahusiano binafsi ya baina wabunge wote au alimkandia Marehemu tu? Kama anazijuwa habari zote mbona asiziandike kwa mapana na marefu na akakazania za Marehemu tu? Mbona asitoe habari za kina za huyo mbunge wa kiume na kumuandama Marehemu peke yake? Wangereza wanasema “It takes two to tango and it takes two to quarrel”. Au hii ni ile dhana ya mfumo dume uliotutawala kuwa mwanamke ndie anaefaa kuitwa M……a (siwezi kuliandika hili neno) na mwanamme anafaa uitwa “KIJOGOO”. Kama kazi hii ni ya wawili, vipi iwe sifa kwa mmoja na kashfa kwa mwengine? Shigongo anaogopa mwanmme mwenziwe na akamuonea Marehemu. Au ana ajenda ya siri?

Nimemjuwa Marehemu Amina kwa muda mfupi, na nikajuwa ni mtu mkweli, muaminifu, mwenye ithibati, asiekwenda kinyume na kauli yake. Nasema hivi kwa uthibitisho kamili nilionao binafsi. Miezi michache nyuma alitowa kauli yake kwa mtu mmoja kwamba angempa msaada fulani. Baadhi ya watu hawakupenda Marehemu afanye vile na akawekwa kiti moto na majopo si mawili si matatu, ya watu wazito sana ili aende kinyume na kauli yake ile. Marehemu Amina aliwasikiliza, na baadae akawajibu kuwa hangeweza kwenda kinyume na kauli yake na kwamba kama alivyoahidi, atampa mtu yule msaada wake.

Hapa niliweza kuona tafauti baina ya Marehemu Amina na wanawake na wanaume wengine wengi, wakiwemo vijana kama yeye waliotokea huko Umoja wa vijana CCM, na wanawake na wanaume wakongwe waliokomaa waliotokea katika vilele vikubwa vya Chama. Tafauti ilikuwa wengi wao walitia ulimi puani na kwenda kinyume na walivyotamka, wengine wakawa washiriki wa kumuweka Marehemu kiti moto na kumtishia kuwa wangemfanyia hivi au vile.

Marehemu Alikuwa hamtishi mtu wala hatishiki au kutikisika. Alikuwa ni mtu ambae akishatoa kauli yake, basi hata ashuke malaika gani haibadili abadan. Aliweka msimamo wa kupiga vita madawa ya kulevya kwa nguvu zake zote, jambo ambalo lingemtetemesha mtu mkubwa na mwenye nguvu. Niliwahi kuongea nae na kumwambia “Mwanangu pole pole, wasije wakakudhuru!”. Kauli aliyonijibu ni kuwa amejitolea nafsi yake katika ukweli na haki na chochote kitachomfika ni maktub na hakifutiki. Kweli kilichoandikwa hakifutiki.

Nikiacha hili nitakwenda kwenye utanashati wake ambao ulifika kumponza bungeni kwa kuambiwa na Mheshimiwa Spika atoke nje ya kikao aende akabadili kivazi kwani hakistahili bungeni. Bila kinyongo Marehemu alitoka na tabasamu na akaenda akafanya kama alivyoamriwa. Binafsi wakati huo mimi nilikuwa katika maeneo ya Bunge Dodoma. Kivazi kilichomponza hakikuwa cha uchi au kuvunja heshima, kilikuwa na kidokezo cha kofia ambapo kwa sharia za bungeni tulizorithi kwa wakoloni, kilipaswa kiendane na uvaaji wa gloves na ndipo kiwe kimetimia. Marehemu Amina alitoka nje na akavua kofia ile na kurudi bungeni. Alifika hata kufanyiwa usaili na stesheni moja ya runinga na ilipoletwamada hiyo Marehemu alicheka na kusema kuwa hiyo ilikuwa ni changa-moto ya ukomavu wake na zaidi ya yote ilikuwa ni funzo la kupitia kanuni kabla kutenda jambo.

Wacha niwambie unafiki wa sisi watu. Kwenye runinga nimeona watu wanalia karibu ya kugaragara na kutiririkwa na machozi wakimsifia Marehemu. Jamani wengine katika hao ni wale ambao walichekelea Marehemu alipoamriwa kutoka nje kwa ajili ya kivazi chake, wengi ya hao walidiriki kumbeza na kusema kuwa pale ni pahala pa kazi na si pahala pa fashen na ubishoo. Wengi wetu ambao wakati umeshatupita kushoto na jua limekuchwa tulijisahau kuwa nasi kwa wakati wetu tulipiga vimini na kutesa mjini. Wengi ya wale ambao bado ni vijana walijawa na wivu wa kutomiliki vivazi vya “designer goods” vya Marehemu Amina, au ki maumbile kutopendeza kama yeye. Wivu na choyo vilitutawala na tukasahau kuwa “kila ndege anaruka na ubawa wake na nyota ya mwenzio usiisafiire”.

Kila mtu ana mapungufu yake. Kwa sasa, ilivyo khulka ya binaadamu, utasikia sifa tu atakazo mwagiwa Marehemmu Amina. Kashfa zitatulia kwa wengi wetu kwa ile dhana ya “Never speak evil of the dead”. Bwana Shigongo alisema katika makala yake ya Ijumaa iliopita kuwa anasitisha kuandika mengine kemkem ya Marehemu Amina na kashfa zake kwa vile ni mgonjwa kitandani. Aliahidi kuwa atatuletea uhondo huo baada ya kupona Marehemu Amina. Naomba nimnukuu marehemu bibi yangu ambae alikuwa ndio mentor (muongozi au dira) wangu. Alipokuwa katika “sakarati-l-mauti” nilikuwa namsomea na kumuombea dua huku nikilia na kumwambia “Bibi utapona”. Alinitupia macho akanijibu “Nikipona nimepona, nikifa nimepona”. Nami namuomba bwana Shigongo aliemsakama Marehemu hata wakati alipokuwa mgonjwa mahtuti kitandani, asitunyime conclusion ya uhondo wa hadithi yake tamu maana sasa Mhe. Amina AMEPONA na ni rukhsa kwake kutumalizia makala yake na asituache na shauku na duku duku la kutaka kujuwa kulikoni.

Kwa makala hii namuombea marehemu Amina malazi pema peponi, Mungu amsamehe madhambi yake, ampe kauli thabit, ampe kitaabu chake kwa mkono wa kulia, malaika wema wawe marafiki na wapokezi wake kaburini, apate nuru katika kaburi lake, liwe linatoa harufu ya rehani nasumini na mawaridi, awe mkono wa kulia wa Bwana Mtume siku ya Kiama pamoja na Ma-abrar wema, awape subira wazee wake, mwanawe, marafiki zake na kila aliempenda na aliependwa na Marehemu.

Marehemu Amina namfananisha na Princess Diana wa Uingereza alivyoandamwa na mapaparazi wa ulaya hadi akato(ka)lewa roho yake. Wema, Utanashati,ukarimu, ukweli, huruma, usaidizi na mengi mazuri ya Princess Diana yanafanana na yale ya Mrehemu wetu. Vifo vyao vinatafautiana mazingira lakini vinafanana sababu nazo ni kuandamwa kwa hili na lile. Tarehe pia zinapishana kidogo kama mwezi tu kufikisha miaka kumi kamili.

Diana alikuwa ni Princess wa Uingereza ambae ana andamwa hadi leo miaka 10 baada ya kifo chake. Marehemu Amina ni Princess wetu Tanzania. Natumai Paparazzi wenzangu tutakuwa na hishma za Ki Afrika na utu wa Ki Tanzania na tutamwacha marehemu apumzike kwa amani baada ya kumpa Bwana Shigongo nafasi ya mwisho ya kutueleza yaliyobaki juu ya Marehemu Amina. Baada ya hapo tutamwachia Mungu atamhukumu kwa amali zake nzuri, na zikiwa mbaya atamsamehe.

Naomba kumaliza kwa kunukuu maneno ya Jesus Christ alipowambia Mayahudi walipokuwa wanataka kumpiga mawe Mary Magdalene kwa sabau eti alikuwa mzinzi. Jesus aliwaambi hivi: “Let that among you with no sin cast the first stone”. Yaani naanze kati yenu yule asie na dhambi kutupa jiwe la kwanza. Jee tupo kati yetu tulio malaika bila dhambi? Tukumbuke kuwa mtu akimyooshea mwenziwe kidole kimoja, basi vidole vine vinamgeukia yeye na kumsuta. Upo Bwana Shigongo?

Briani mwanangu Princess Amina. Mungu akulaze pema peponi Amin.

Wakatabahu

Mahfoudha Alley Hamid

E mail: umimah@zanlink.com

Shairi - Amina Hayupo Tena

Amina Chifupa aliwatembelea waginjwa hospitali ya Amana, Ilala, Dar es Salaam
(Photo from Jiachie (Michuzi Jr.) Blog)


Amina Hayupo Tena

Imetungwa na Fahdili Mtanga

Nasikia radioni, Amina hayupo tena,
Ninashindwa kuamini, umetutoka Amina,
Amina wetu jamani, Amina wetu Amina,
Mola umlaze pema, rafiki yetu Amina.

Mola wetu tusikie, twaja kwako Maulana,
Amina tumlilie, mbunge wetu vijana,
Faraja utupatie, usiku hata mchana,
Mola umlaze pema, rafiki yetu Amina.

Amina mbunge wetu, tuliyekupenda sana,
Uliyeonesha utu, kwa wazee na vijana,
Uliyekuwa mwenzetu, tena bila ya hiyana,
Mola umlaze pema, rafiki yetu Amina.

Amina ulitujali, tukakupenda kwa sana,
Juhudi zako za kweli, zilikubalika sana,
Mola wetu mfadhili, lini tutamwona tena?
Mola umlaze pema, rafiki yetu Amina.

Umetuacha jamani, twakulilia Amina,
Ni vigumu kuamini, kuwa hatukwoni tena,
Majonzi yetu moyoni, mbona ni makubwa sana,
Mola umlaze pema, rafiki yetu Amina.

Twashindwa kuelezea, jinsi inavyotuuma,
Ni vigumu kuzowea, kupoteza kitu chema,
Wewe ulijitolea, ukweli ukausema,
Mola umlaze pema, rafiki yetu Amina.

Amina bado kijana, umetuacha mapema,
Ndoto zako nyingi sana, ukaamua kusoma,
Kwa marefu na mapana, uiongeze hekima,
Mola umlaze pema, rafiki yetu Amina.

Amina muongeaji, waongea kwa hekima,
Wewe mshereheshaji, Amina ukawa mama,
Amina mpiganaji, vita sasa waitema,
Mola umlaze pema, rafiki yetu Amina.

Amina tulikupenda, ukawa rafiki mwema,
Ona sasa umekwenda, kwa heri hujaisema,
Mauti yamekutenda, basi uende salama,
Mola umlaze pema, rafiki yetu Amina.

Pole wanafamilia, pole Tanzania nzima,
Sote tunakulilia, utakumbukwa daima,
Wewe umetangulia, nasi twaja tuko nyuma,
Mola umlaze pema, rafiki yetu Amina.

Mola akupumzishe, peponi mahala pema,
Nasi tukajikumbushe, dunia siyo salama,
Mola wetu tuepushe, na hicho chako kiyama,
MOLA UMLAZE PEMA, RAFIKI YETU AMINA.


Fadhili Mtanga,
http://www.fadhilimshairi.blogspot.com/
Dar es Salaam.

Bongoland II

Mtengeneza sinema Josiah Kibira, anaanza kupata umaarufu katika dunia ya sinema. Hapa anahojiwa nyumbani kwake jana na Channel 12, huko Minnesota. Walitaka kujua habari zaidi ya sinema ya Bongoland II. Josiah ameondoka leo kuelekea Tanzania.

Hapo anaongea na mtangazaji, Lisa Furgison, wa Channel 12, Twin Cities, Minnesota. Mnaweza kuona mahojiano leo hapa: Channel 12 Live

Mazishi ya Marehemu Mheshimiwa Amina Chifupa

Vibaka hawana dogo. Wanamwibia mfiwa simu kwenye mazishi! Simu ya Mpakanjia ya bei mbaya imeibiwa kwenye mazishi huko Njombe. Photo from Michuzi Blog.

Marehemu Mhsehimwa Amina Chifupa amezikwa kwao Njombe. Photo from Michuzi Jr. Jiachie Blog.

Katika uhai wake Amina Chifupa alionyesho upendo kwa watu wote. Hapa anatoa zawadi kwa wagonjwa wodini, Amana Hospital, Ilala Dar es Salaam mwanzoni mwa mwaka huu. Photo from Michuzi Jr. (Jiachie) Blog.

Ibada ya Kumwombea Marehemu Mheshimiwa Amina Chifupa

Mama Mzazi wa marehemu Mheshimiwa Amina Chifupa, Bi Judy Mbanga, (mwenye kitambaa cheusi) akiwasili kwenye kilio Mikocheni. (photo from Michuzi Blog)

Gari ya kubeba maiti (Hearse) ikiwasili Mikocheni, nyumbani kwa Baba yake marehemu Mheshimiwa Amina Chifupa ambapo ibada ya kumwombea ilifanyika.

Photo from Michuzi blog.

Sheikh Mkuu, Issa Shabaan bin Simba, aliongoza ibada ya kumwombea marehemu Mheshimiwa Amina Chifupa.

Photo from Michuzi Blog.

Waombolezaji walijitokeza kwa wingi kwenye msiba wa marehemu Mheshimiwa Amina Chifupa huko nyumbani kwa baba yake Mikocheni.

Photo from Michuzi Blog

Kavareji! News Coverage ya magazeti Bongo. Kila gazeti ilikuwa na habari hizo za kusikitisha.

Photo from Michuzi Blog.

Baadhi ya waombolezaji yumbani kwa Mzee Chifupa. Kulia ni mtangazaji wa Clouds88.4 FM Sebastian Ndege (mzee wa njia panda) akitangaza moja kwa moja (live) kwenye msiba huo uliohudhuriwa na maelfu ya watu. Photo from Jiachie Blog.

Mipango ya Mazishi ya Marehemu Mheshimiwa Amina Chifupa

The late Amina Chifupa's ex-husband Mohamed Mpakanjia talks to ITV.

Jeneza lenye mwili wa Marehemu Amina Chifupa

(Photos from 'FOOD FOR THOUGHT' BLOG)

From ippmedia.com

Bunge laahirishwa...mwili kuagwa leo

2007-06-27

Na Usu-Emma Sindila, Dodoma

Kifo cha Mbunge wa Viti Maalum-CCM, Mheshimiwa Amina Chifupa kimelifanya Bunge la Jamhuri ya Muungano wa Tanzania kuahirisha shughuli zake ili kujipa muda wa kumlilia mwenzao, Mheshimiwa Amina Chifupa aliyefariki usiku wa kuamkia leo.

Spika wa Bunge, Mhe. Samweli Sitta amesema shughuli za Bunge zitaendelea tena kesho asubuhi saa tatu. Hata hivyo amesema wabunge kadhaa wameteuliwa kuja Jijini Dar es Salaam kuungana na ndugu wa marehemu kuomboleza na kushiriki shughuli nyingine za msiba huo mzito.

Awali ilikuwa imetangazwa kwamba mwili wa marehemu ungepelekwa Dodoma kuagwa na kisha kusafirishwa kwenda Njombe kwa maziko.

Spika amewataja watakaoongoza msafara huo wa wabunge kwa ajili ya kuuaga mwili na kisha kesho kushiriki maziko kule kijijini Lupembe wilayani Njombe kuwa ni pamoja na yeye mwenyewe, kiongozi wa upinzani bungeni, Mhe. Hamad Rashid Mohamed, wabunge wote wa Dar es Salaam, wabunge wote wa Iringa na Mbunge Anne Kilango aliyekuwa mlezi wa marehemu.

Amesema watakaowakilisha Serikali katika msiba huo ni Waziri wa Usalama wa Raia, Bw. Bakari Mwapachu. Amesema marehemu atazikwa kesho katika kijiji cha Lupembe wilayani Njombe kule Iringa, alasiri. Kwa mujibu wa Spika Sitta taarifa marehemu alifariki usiku wa kuamkia leo katika Hospitali Kuu ya Jeshi Lugalo Jijini Dar.

Prophecy???

Amina is now truly FREE! May she rest in eternal peace.

Na hii gazeti walikuwa wanatabiri nini? DUH!